Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy «Samuryq-Qazynanyń» jobalary boıynsha birqatar tapsyrma berdi

2021 jyldyń 17 qarasha 2021 18:37

NUR-SULTAN. QazAqparat - Prezıdent Qasym-Jomart Toqaev «Samuryq-Qazyna» AQ basqarma tóraǵasy Almasadam Sátqalıevti qabyldady, dep habarlaıdy Aqorda.

Memleket basshysyna Qordyń jyl basynan beri atqarǵan qyzmetiniń negizgi óndiristik kórsetkishteri men qarjylyq nátıjeleri týraly baıandaldy.

Almasadam Sátqalıev bıylǵy 10 aıdyń qorytyndysy boıynsha «Samuryq-Qazyna» kompanııalar tobyna 8 981 mıllıard teńge kiris kirgenin jáne onyń josparlanǵan mólsherden 20 paıyzǵa artyq ekenin aıtty. Kompanııalar tobynyń operatsııalyq tabysy – 1 256 mıllıard teńge. Bul – byltyrǵy kórsetkishterge qaraǵanda 2 eseden kóp. Oǵan munaı baǵasynyń qymbattaýy, júk tasymalynan túsetin kiristiń artýy, tranzıttiń ósýi jáne basqa da óndiristik kórsetkishter yqpal etken.

Qasym-Jomart Toqaev kezdesý sońynda «Samuryq-Qazyna» aktsıonerlik qoǵamynyń jobalary boıynsha birqatar naqty tapsyrma berdi.





Joǵary qaraı