Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy: Reformalardy synaıtyndar kóbinese máselege ústirt qaraıdy

2021 jyldyń 25 aqpan 2021 13:04

NUR-SULTAN. QazAqparat – Biz reformalardy bireýge unaý úshin, olardyń aldynda jaqsy kóriný úshin, ne bolmasa bireýlerge esep berý úshin júrgizip otyrǵanymyz joq. Bul týraly Ulttyq qoǵamdyq senim keńesiniń besinshi otyrysynda QR Prezıdenti Qasym-Jomart Toqaev málim etti, dep habarlaıdy QazAqparat tilshisi. .

«Meniń birqatar sheteldik áriptesterim jáne bedeldi sarapshylar elimizde júzege asyrylyp jatqan saıası reformalar týraly oń pikir aıtýda. Olar saıası jańǵyrýdyń san qyrly jáne kúrdeli úderis ekenin óte jaqsy túsinedi. Al, reformalardy synaıtyndar kóbinese máselege ústirt qaraıdy nemese jaǵdaıymyzdyń ereksheligin ádeıi túsingisi kelmeıdi. Biz túıtkildi tustarymyzdy jaqsy bilemiz. Ustanymymyz - aıqyn. Barlyq máselelerdi keń aýqymdy dıalog pen mámle arqyly birtindep sheshemiz», - dedi Memleekt basshysy.

Osy oraıda Prezıdent saıası jańǵyrý mindetti túrde júzege asyrylatynyn aıtty.

«Bul - bizdiń uzaq merzimge arnalǵan negizgi maqsattarymyzdyń biri. Men osy máselelerge aıryqsha mán berip otyrmyn. Biz reformalardy bireýge unaý úshin, olardyń aldynda jaqsy kóriný úshin, ne bolmasa bireýlerge esep berý úshin júrgizip otyrǵanymyz joq. Reformalardy eshkimge jaltaqtamaı, udaıy iske asyratyn bolamyz. Basty maqsat – elimizdiń kúsh-qýatyn, áleýetin nyǵaıtý jáne eń aldymen, halqymyz ál-aýqatyn arttyrý úshin tıimdi sheshimder qabyldaý. Buǵan eshkimniń kúmáni bolmaýy tıis», - dedi Q. Toqaev.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.
Joǵary qaraı