Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Nur-Sultan qalasyndaǵy №103 qalalyq emhanaǵa bardy

2021 jyldyń 18 maýsym 2021 15:41

NUR-SULTAN. QazAqparat - Qasym-Jomart Toqaev alǵashqy járdem jáne konsýltatsııalyq-dıagnostıkalyq kómek kórsetýge arnalǵan zamanaýı medıtsınalyq quraldarmen jabdyqtalǵan kabınetterdi aralady, dep habarlaıdy QazAqparat Aqordnyń resmı saıtyna silteme jasap.

Emhanada rentgenografııa, mammografııa, flıýorografııa, LOR-kombaın, saraptamalyq deńgeıdegi ýltra-dybystyq zertteý jáne basqa da medıtsınalyq apparattar bar. Emhananyń sońǵy úlgidegi apparattarmen jabdyqtalýy aýrýdy der kezinde anyqtap, sapaly medıtsınalyq kómek kórsetýge múmkindik beredi.




«Salaýatty Astana» jaýapkershiligi shekteýli seriktestigine qarasty jańa ambýlatorııalyq-emhanalyq keshen bir aýysymda 500 adamdy qabyldaıdy.

Memleket basshysyna medıtsınalyq ortalyqta tirkelgen turǵyndarǵa 23 sala boıynsha alǵashqy medıtsınalyq-sanıtarlyq jáne konsýltatsııalyq-dıagnostıkalyq kómek kórsetiletini týraly aıtyldy. Sondaı-aq eresekter men balalarǵa ońaltý qyzmetteri kórsetiledi. 150 oryndyq kúndizgi statsıonar jumys isteıdi.

Prezıdent medıtsınalyq ortalyqtyń ujymyna jedel járdem kóligin alýǵa sertıfıkat tabystady.







Qazirgi tańda elordada 180 myń adam koronavırýsqa qarsy ekpeniń birinshi komponentin alǵan. 128 myńnan astam azamat ekpeniń ekinshi komponentin saldyrdy. Eńbek ujymdaryn vaktsınalaý belsendi júrgizilip jatyr.

Ujymdyq ımmýnıtetti qalyptastyrý úshin 650 myńnan astam adamǵa nemese qala turǵyndarynyń 60 paıyzyna ekpe egý josparlanýda.

Alǵashqy medıtsınalyq-sanıtarlyq kómek kórsetý uıymdaryndaǵy vaktsınalaý pýnktteri 100-ge deıin kóbeıdi, sondaı-aq, saýda jáne oıyn-saýyq ortalyqtarynda qosymsha 8 pýnkt qyzmet kórsetedi.














Basty sózder: Medıtsına, Qazaqstan Prezıdenti,
Joǵary qaraı