Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy: Kópulttylyq – bizdiń baǵymyz

2021 jyldyń 21 qazan 2021 13:26

NUR-SULTAN. QazAqparat – QR Prezıdenti Qasym-Jomart Toqaev Qazaqstan halqynyń sanalýan etnostan quralǵanyn mańdaıǵa jazylǵan baqyt dep baǵalady, dep habarlaıdy QazAqparat tilshisi.

«Qazaqstanda sanalýan etnos ókilderi turady. Bul – búkil álemge belgili aqıqat. Shyn máninde bul bizdiń taǵdyrymyzǵa jazylǵan baǵymyz. Elimizde túrli mádenıetter birge damyp kele jatyr. Sonyń arqasynda áleýetimiz artyp, bereke-birligimiz nyǵaıa túsýde. Biz otanshyldyqty, ózara syılastyq pen tatýlyqty jan-jaqty dáripteýimiz kerek. Bul júk – memlekettiń ǵana emes, barsha azamattardyń ortaq mindeti. Jalpy ulttyq birlik – qýatty memleket bolýdyń basyt kepili. Egemen elimizdiń baǵa jetpes baılyǵyn keıingi urpaq úshin saqtaı bilýimiz kerek. Osy jaýapty mindetti abyroımen atqarasyzdar dep senemin», - dedi Prezıdent QHA Keńesiniń keńeıtilgen otyrysynda.

Sondaı-aq, osy sharada Qasym-Jomart Toqaev Túrkistan oblysynda Dostyq úıin salýdy tapsyrdy.

Oblys ákimi Ómirzaq Shókeev Prezıdenttiń eskertpesi boıynsha Túrkistan óńirinde jańa Dostyq úıi salynatynyn aıtty.

«Bizdiń assambleıanyń Dostyq úıi bolǵan. Biraq ol Shymkent qalasynda ornalasqan edi. Ony Shymkent qalasynyń suraýymen qala ákimdiginiń balansyna berdik. Qazir assambleıa basqarmalar úıinde ornalasqan. Sizdiń aıtqan eskertpelerińizdi eskere otyryp, jańa úlgidegi Dostyq úıin salamyz dep oılaımyn»,- dedi aımaqtyń basshysy.


Joǵary qaraı