Aýa raıy
Astana 8 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy qoǵam qaıratkeri Saltanat Rahymbekovanyń otbasyna kóńil aıtty

2020 jyldyń 3 tamyz 2020 11:30

NUR-SULTAN. QazAqparat - Prezıdent Qasym-Jomart Toqaev tanymal qoǵam qaıratkeri, ekolog, ekonomıka ǵylymdarynyń doktory Saltanat Temirqulqyzy Rahymbekovanyń dúnıeden ótýine baılanysty onyń jubaıy, «Ulttyq agrarlyq ǵylymı-bilim berý ortalyǵy» kommertsııalyq emes aktsıonerlik qoǵamynyń basqarma tóraǵasy Tóleýtaı Rahymbekovke jáne otbasy men jaqyndaryna kóńil aıtyp, jedelhat joldady.

Bul týraly QazAqparat Aqordanyń baspasóz qyzmetine silteme jasap habarlaıdy.

«Saltanat Temirqulqyzy ár jyldary qorshaǵan ortany qorǵaý, turǵyn úı-kommýnaldyq sharýashylyǵy salasyn jetildirý, sondaı-aq, «Jasyl» ekonomıkany damytý baǵytynda kóp is atqardy. Qazaqstannyń kásipker áıelderi odaǵynyń teń tóraıymy, Qazaqstan Azamattyq alıansynyń prezıdenti bolyp, elimizdegi saıası-qoǵamdyq jumystarǵa belsendi atsalysty. Marqumnyń jany jánnatta, ımany salamat bolsyn», – delingen jedelhatta.


Basty sózder: Aqorda, Qazaqstan Prezıdenti,
Joǵary qaraı