Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy «Qazaqstannyń eńbek sińirgen dárigeri» ataǵyn engizýdi usyndy

2021 jyldyń 18 maýsym 2021 15:16

NUR-SULTAN. QazAqparat – Búgin astanada «Altyn júrek» eskertkishiniń ashylý rásimine qatysqan QR Prezıdenti Qasym-Jomart Toqaev «Qazaqstan Respýblıkasynyń eńbek sińirgen dárigeri» ataǵyn engizýdi usyndy, dep habarlaıdy QazAqparat.

Memleket basshysynyń aıtýynsha, medıtsına qyzmetkerleriniń qoǵamdaǵy mártebesin arttyrý úshin «Qazaqstan Respýblıkasynyń eńbek sińirgen dárigeri» ataǵyn engizilmek. Ataqpen birge materıaldyq syıaqy da beriledi. Onyń kólemin Úkimet belgileıdi.

Budan bólek, Qasym-Jomart Toqaev densaýlyq saqtaý júıesinde qyzmet etý óskeleń urpaq úshin mártebeli ári tartymdy bolýy tıis ekenin atap ótti.

Sonymen qatar Prezıdent orta deńgeıdegi medıtsına qyzmetkerlerine qoldaý kórsetý máselesine toqtaldy. Memleket basshysynyń pikirinshe, olar densaýlyq saqtaý júıesiniń basty resýrsy jáne jumystyń negizgi bóligin atqarady.

«

Bizge meıirgerlerdiń jańa býynyn qalyptastyrý qajet. Olar tek oryndaýshylar ǵana emes, kóp salaly emdeý tobynyń jaýapkershilik júktelgen teń quqyqtyq músheleri bolýy tıis. Osy oraıda olardyń kásibı daıyndyǵynyń deńgeıin birtindep kóterip, meıirgerlik isiniń mártebesin arttyrý qajet

», – dedi Memleket basshysy.

Prezıdent óz sózinde Elbasynyń bastamasymen iske asyrylǵan «Biz birgemiz» aktsııasy aıasynda pandemııaǵa qarsy kúreske zor úles qosqan eriktiler men metsenattardyń qyzmetin atap ótti.

Qasym-Jomart Toqaev barsha medıtsına qyzmetkerlerin kásibı merekesimen quttyqtap, «Altyn júrek» eskertkishi ornalasqan saıabaqty «Dárigerler alleıasy» dep ataýdy usyndy.

Memleket basshysy jańadan ashylǵan keshen aq halatty abzal jandarǵa degen halyq alǵysynyń belgisi bolatynyna senim bildirdi.

Jıyn sońynda Memleket basshysy medıtsına qyzmetkerlerimen áńgimelesti.

Dárigerler kórsetilip jatqan qoldaýǵa alǵys aıtty.


Joǵary qaraı