Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy qazaqstandyq bitimgerlerge alǵys bildirdi

2020 jyldyń 8 qazan 2020 16:13

ALMATY OBLYSY. QazAqparat - Tuńǵysh Prezıdent – Elbasynyń ózi tikeleı qurǵan Qarýly Kúshterdiń bitimgershilik qyzmeti elimizdiń beıbitshilik, halyqaralyq qaýipsizdik jáne turaqtylyq qaǵıdattaryna is júzinde saı keledi. Bul týraly Qarýly Kúshterdiń Joǵarǵy Bas qolbasshysy Almaty oblysynda ótken keshendi bitimgershilik oqý-jattyǵý jıynynda aıtty, dep habarlaıdy QazAqparat Aqordanyń baspasóz qyzmetine silteme jasap.

Prezıdent 2007 jyldan beri 35 qazaqstandyq áskerı qyzmetshi, onyń ishinde tórt áıel azamat BUU-nyń Nepaldaǵy, Kot-d’Ivýardaǵy, Batys Sahara men Lıvandaǵy mıssııalaryna shtab ofıtserleri men áskerı baqylaýshylar retinde qatysqanyn aıtty. 2018 jyly BUU mandaty negizinde áreket etetin alǵashqy qazaqstandyq rotanyń Lıvanǵa jiberilýi elimizdiń bitimgershilik áleýetin nyǵaıtý úshin jasalǵan mańyzdy qadam.
– Qazirgi ýaqytta óz jaýapkershilik aımaǵynyń baqylaý-ótkizý beketterindegi áskerı mindetterin qazaqstandyq bitimgerler rotasynyń tórtinshi quramy atqarýda. BUU bitimgershilik áleýetiniń daıyndyq júıesindegi mindetter jelisin keńeıtý úshin Qazaqstan saperlerdiń, áskerı medıtsına qyzmetkerleriniń, barlaý jáne áskerı polıtsııanyń arnaıy bólimshelerin usyndy. Bul bólimsheler qazirgi bitimgershilik operatsııalarynda barynsha suranysqa ıe, – dedi Prezıdent.
Joǵarǵy Bas qolbasshy bitimgershilik daıarlyq oqý ortalyǵy mundaı mamandardy joǵary deńgeıde daıyndaıtynyna toqtaldy.
Qasym-Jomart Toqaev oqý-jattyǵý jıyny barysynda áskerı qyzmetkerlerdiń kórsetken kásibı biliktiligin atap ótip, qazaqstandyq bitimgerlerge minsiz jumystary úshin alǵys bildirdi. Memleket basshysy beıbit ómirde úlken mindetterdi atqaryp otyrǵan áskerdiń aıryqsha róline nazar aýdardy.


Joǵary qaraı