Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy: «Qarapaıym zattar ekonomıkasy» baǵdarlamasy uzartylady

2021 jyldyń 7 jeltoqsan 2021 12:06

NUR-SULTAN. QazAqparat – «Qarapaıym zattar ekonomıkasy» baǵdarlamasy 2022 jyldyń sońyna deıin uzartylady, dep habarlaıdy QazAqparat tilshisi. Bul týraly QR Prezıdenti Qasym-Jomart Toqaev «Altyn sapa» syılyǵy jeńimpazdaryn quttyqtaý kezinde málim etti.

«Meniń tapsyrmam boıynsha «Qarapaıym zattar ekonomıkasy» baǵdarlamasynyń merzimi keminde 1 trln teńge mólsherindegi qormen 2022 jyldyń sońyna deıin uzartylady. Ekinshiden, memleket otandyq bıznestiń kórshi elderdiń naryǵyna shyǵýy úshin osy zamanaýı ınfraqurylymdy dáıekti túrde damytyp keledi. «Qorǵas» halyqaralyq shekara mańy yntymaqtastyǵy ortalyǵy tabysty jumys isteýde. Osy jumys sheńberinde taǵy tórt transshekaralyq hab salý josparlanýda. Onyń ekeýin Reseımen shekarada jáne Ózbekstan men Qyrǵyzstan shekaralarynda bir-bir hab boı kóteredi. Bul tranzaktsııalyq shyǵyndardy azaıtýǵa, kólik logıstıkasynyń tıimdiligin arttyrýǵa, sonyń nátıjesinde eksportymyzdy ulǵaıtýǵa múmkindik beredi», - dedi Prezıdent.

Atalmysh sharada Memleket basshysy «Paryz» baıqaýyna qatysýshylar bıyl áleýmettik jobalarǵa 20 mlrd teńge jumsaǵanyn atap ótti.

«Otandyq kásipkerler men Qazaqstandaǵy halyqaralyq kompanııalar áleýmettik jaýapkershilik qaǵıdasyn árdaıym berik ustanyp keledi. Olar indet kezinde elimizdiń densaýlyq saqtaý júıesine zor qoldaý kórsetti. Jalpy bıylǵy «Paryz» baıqaýyna qatysýshylar áleýmettik jobalarǵa jáne qaıyrymdylyq sharalaryna 20 mlrd teńgege jýyq qarjy jumsady. Sonymen birge 7 000 jańa jumys ornyn ashty», - dedi Qasym-Jomart Toqaev.


Joǵary qaraı