Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Eýropalyq keńes Prezıdenti Sharl Mıshelmen kelissóz júrgizdi

2021 jyldyń 26 qarasha 2021 01:38

BRıÝSSELЬ. QazAqparat – QR Prezıdenti Qasym-Jomart Toqaev Eýropalyq keńes Prezıdenti Sharl Mıshelmen kelissóz júrgizdi, dep habarlaıdy QazAqparat Aqordaǵa silteme jasap.

Qasym-Jomart Toqaev pen Sharl Mıshel Keńeıtilgen seriktestik jáne yntymaqtastyq týraly kelisimniń tıimdi júzege asyrylýyna basa mán bere otyryp, Qazaqstan men EýroOdaq arasyndaǵy strategııalyq seriktestiktiń qazirgi jaǵdaıy men perspektıvalaryn jan-jaqty talqylady.

Kezdesý barysynda saıası, saýda-ekonomıkalyq, ınvestıtsııalyq salalar boıynsha yqpaldastyqty keńeıtýge erekshe nazar aýdaryldy.





Budan bólek taraptar halyqaralyq jáne óńiraralyq kún tártibin, onyń ishinde Aýǵanstandaǵy jaǵdaıdy jáne osy elge gýmanıtarlyq kómek kórsetý úshin kúsh jumyldyrý máselesin talqylady.

Qasym-Jomart Toqaev Sharl Mısheldiń Eýropalyq keńes prezıdenti laýazymyndaǵy kóshbasshylyǵyn joǵary baǵalap, Qazaqstanmen yntymaqtastyqqa baǵyttalǵan ashyq ári konstrýktıvti ustanymyna rızashylyq bildirdi.

Memleket basshysy sońǵy 30 jylda Qazaqstan men EýroOdaq arasynda ózara senimge, qurmetke jáne ortaq basymdyqtarǵa negizdelgen berik qatynas ornaǵanyn atap ótti.





Taraptar 29 baǵyt boıynsha yqpaldastyqtyń quqyqtyq negizin qalyptastyratyn Keńeıtilgen seriktestik jáne yntymaqtastyq týraly kelisimdi tolyq iske asyrýdyń mańyzdylyǵyn atap ótti. EýroOdaqtyń Ortalyq Azııa boıynsha jańa strategııasynyń, sondaı-aq EýroOdaq – Ortalyq Azııa baǵytyndaǵy belsendi dıalogtyń tıimdi júzege asyrylý barysyna oń baǵa berildi.

Qasym-Jomart Toqaev saýda-ekonomıkalyq jáne ınvestıtsııalyq baılanystardyń qarqyndy damyp kele jatqanyn aıtty. Memleket basshysynyń aıtýynsha, EýroOdaq – Qazaqstan ekonomıkasyna jalpy 160 mıllıard AQSh dollary kóleminde ınvestıtsııa quıǵan eń iri ınvestor. Al Qazaqstan – EýroOdaqtyń Ortalyq Azııa aımaǵyndaǵy eń iri saýda seriktesi. Ózara saýda aınalymy 24 mıllıard dollarǵa jetken.

Kezdesýde Memleket basshysy Ortalyq Azııadaǵy sý resýrstary máselesine toqtalyp, aımaqtaǵy memleketterdiń gıdroenergetıka, ırrıgatsııa jáne qorshaǵan ortany qorǵaý salasyndaǵy mańyzdy múddelerin teńestirýge baǵyttalǵan Halyqaralyq sý-energetıkalyq konsortsıým qurý qajet ekenin atap ótti. Osyǵan baılanysty Prezıdent eýropalyq seriktesterdi Qazaqstannyń bastamasyn júzege asyrýǵa úles qosýǵa shaqyrdy.





Sonymen qatar Qazaqstan Prezıdenti EýroOdaq júzege asyryp jatqan eýropalyq «jasyl kelisim» ataýymen belgili jańa ekologııalyq damý modeline toqtaldy. Osy rette Qasym-Jomart Toqaev senimdi ári turaqty túrde shıkizatqa qoljetimdilikti, sondaı-aq elimizdiń akkýmýlıatorlyq qun tizbegine birigýin qamtamasyz etý arqyly Eýropalyq shıkizat alıansymen jáne Eýropalyq akkýmýlıatorlyq alıanspen aradaǵy seriktestikti jolǵa qoıýǵa daıyn ekenin jetkizdi.

Kezdesý sońynda Memleket basshysy Sharl Mısheldi Qazaqstanǵa saparmen kelýge shaqyrdy.


Joǵary qaraı