Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy «Dostyq» úıleriniń qyzmetin aıqyndap berdi – Nurtóre Júsip

2021 jyldyń 21 qazan 2021 14:58

NUR-SULTAN. QazAqparat – Endigi ýaqytta eldegi «Dostyq» úılerinde maǵynasyz jıyn, sharalar toqtatylyp, ol jerde sarapshylar, mamandar jumys isteıtin bolady. Bul pikirmen QR Parlamenti Senatynyń depýtaty Nurtóre Júsip bólisti, dep habarlaıdy QazAqparat tilshisi.

«Qazaqstan halqy Assambleıasynyń keńeıtilgen otyrysynda Memleket basshysy birqatar máseleni kóterdi. Sonyń ishinde óńirlerdi kóterý, birtutas ult uǵymy, turmystyq kıkiljińderdi ultaralyq janjaldarǵa ulystyrmaý máselesi taǵy sol sııaqty. Sol sekildi Qasym-Jomart Kemeluly rýhanı-mádenı turǵyda damı túsý kerektigin aıta kele, elimizdiń aǵartý jáne mádenıet salasynyń damytýda ózge ulty ókilderi Potanın, Dostaevskııdiń eńbekterine erekshe toqtalyp ótti. Jalpy búgingi jıyn mazmundy ótti deýge bolady. Elimizdiń tutastyǵy ol birlik pen yntymaqtastyq saqtaı bilýde», - dedi Nurtóre Júsip.

Sondaı-aq, halyq qalaýlysy eldegi jastar máselesine arnalǵan jıyn ótkizý usynysy aıtylǵanyn tilge tıek etti.

«Keńeıtilgen otyrysta bir qatysýshy jaqsy bastama kóterdi. Búginde elimizde balalarǵa arnalǵan bir ǵana «Balapan» telearnasy bar. Ol 0 jastan 9 jasqa deıingi balalarǵa arnalǵan. Al endi 9 jastan 18 jasqa deıingi jasóspirimderge arnalǵan televızııalyq dúnıeniń, telearnanyń joqtyǵyn aıtty. Bul máselege Memleket basshysy ýaqytyly nazar aýdaryp, arnaıy jıyn ótkizý kerektigi aıtyldy. Sonymen qatar analar keńesiniń jumysy týraly aıtyldy, bul boıynsha Prezıdent keńes elimizdiń barlyq óńirinde qurylý kerektigin aıtty. Memleket basshysy kótergen taǵy bir mańyzdy dúnıe elimizdegi «Dostyq» úıleriniń qyzmetin aıqyndap berdi. Ol jerde maǵynasyz jıyndar ótkizbeı, sarapshylar, mamandar jumys isteıtin bolady», - deıdi ol.

Aıta keteıik, Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev Dostyq úıleri jınalystar men saltanatty jıyndar ótetin zalǵa aınalmaýy tıistigin aıtyp ótti.



Joǵary qaraı