Aýa raıy
Astana 8 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Asqar Mamındi qabyldady

2020 jyldyń 15 qyrkúıek 2020 14:51

NUR-SULTAN. QazAqparat - Memleket basshysy Qasym-Jomart Toqaev QR Premer-Mınıstri Asqar Mamındi qabyldady, dep habarlaıdy QazAqparat Aqordanyń resmı saıtyna silteme jasap.

Qasym-Jomart Toqaev Úkimet basshysynyń bıylǵy qańtar-tamyz aılary aralyǵyndaǵy elimizdiń áleýmettik-ekonomıkalyq damý qorytyndylary týraly esebin tyńdady.

Premer-Mınıstr segiz aıda qaıta óńdeý ónerkásibindegi ósim 3,3%-ǵa, onyń ishinde mashına jasaý – 16,3%-ǵa, kólik qurastyrý – 51,8%-ǵa, sondaı-aq farmatsevtıka –34,1%-ǵa, jeńil ónerkásip – 11%-ǵa, hımııa ónerkásibi – 3,1%-ǵa jáne daıyn metal ónimderin shyǵarý – 18,8%-ǵa óskenin málimdedi.

2020 jyly Indýstrııalandyrý kartasy aıasynda, jalpy somasy 996 mlrd teńge bolatyn 206 jobany iske qosý josparlanǵan. Bul óndiris kólemin 1,3 trln teńgege, eksportty 325 mlrd teńgege arttyrýǵa jáne 19 myńǵa jýyq jańa jumys oryndaryn ashýǵa múmkindik beredi.

Qurylys kólemi – 6,5%-ǵa, turǵyn úıdi paıdalanýǵa berý – 6,4%-ǵa nemese 8,1 mln sharshy metrge artty. Jyl basynan beri 71 myń jańa úı salyndy, bul ótken jylmen salystyrǵanda 8,6%-ǵa artyq.

Aýyl sharýashylyǵyndaǵy turaqty ósim 4,9% qurady, azyq-túlik óndirisiniń kólemi 3,6%-ǵa artty.

Asqar Mamınniń aıtýynsha, qabyldanǵan sharalar nátıjesinde áleýmettik mańyzdy taýarlar baǵasynynyń artýyn 4,4% deńgeıinde ustap turýǵa múmkindik berdi, bul ótken jyldyń kórsetkishterimen salystyrǵanda eki ese (8,7%) tómen.

Jyl basynan beri memlekettik baǵdarlamalar aıasynda 874 myń adam jumyspen qamtylǵan, ótken jylmen salystyrǵanda bul kórsetkish 82,1%-dan asady.

Memleket basshysy kezdesý qorytyndysy boıynsha turǵyndardy jumyspen qamtý, kásipkerlik sýbektilerine qoldaý kórsetý, óndiris úderisterine jańa tehnologııalar engizý, epıdemıologııalyq jaǵdaıdy turaqtandyrý men karantın talaptaryn birtindep jeńildetý mańyzdy ekenin atap ótti.


Joǵary qaraı