Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektepterde jańajyldyq is-sharalar ótkizilmeıdi – Bilim mınıstrligi

2021 jyldyń 2 jeltoqsan 2021 12:14

NUR-SULTAN. QazAqparat - QR Ǵylym jáne bilim mınıstri Ashat Aımaǵambetov mektepterde buqaralyq is-sharalardy ótkizýge qatysty suraqqa jaýap berdi, dep habarlaıdy QazAqparat tilshisi.

Aıta keteıik, jaqynda QR Bas sanıtar dárigeri Erlan Qııasov koronavırýs ınfektsııasynyń «Omıkron» shtamy Qazaqstan aýmaǵynda taralmaýyna arnalǵan jańa qaýly jarııalady.

«Erteńgilikter men ózge de buqaralyq is-sharalar mektepterde ótkizilmeıdi. Osy oraıda Bas sanıtar dárigeriniń sheshimi bolǵandyqtan, biz ony oryndaýǵa mindettimiz. Sondyqtan erteńgilikter men basqa da merekelik jıyndar mektepte uıymdastyrylmaıdy», - dedi A. Aımaǵambetov Senattyń jalpy otyrysynan keıin tilshiler saýalyna jaýap bere otyryp.

Onyń aıtýynsha, bir synyptyń ishinde merekeni ótkizý týraly sheshim mektep ákimshiligi deńgeıinde qabyldanady.

Sonymen qatar tilshiler «omıkron» shtamynyń taralýyna baılanysty oqýshylardy qashyqtan oqytýǵa aýystyrý múmkindigi týraly surady.

«Qazirgi kezde bul jaıynda aıtý erterek. Biz Vedomstvoaralyq komıssııanyń sheshimi aıasynda jumys isteımiz. Qazirgi ýaqytta qorytyndy shyǵarý úshin málimetter jetkiliksiz bolyp tur», - dedi mınıstr.


Joǵary qaraı