Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mektepterde qazaq kúresi men toǵyzqumalaq mindetti sabaq retinde ótkizilmek

2021 jyldyń 9 naýryz 2021 09:36

NUR-SULTAN. QazAqparat – Elimizde orta mektepterde «qazaq kúresi», «toǵyzqumalaq», «asyq atý» boıynsha mindetti sabaq ótkizý ádistemesi ázirlep jatyr. Bul jaıynda Májilis depýtattarynyń saýalyna oraı QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Búginde sport sektsııalarmen shamamen 1,4 mln bala nemese mektep jasyndaǵy balalardyń jalpy sanynyń (3,5 mln) 40 paıyzy, onyń ishinde 422 myńnan bastam bala mektepten tys uıymdarda qamtylǵan. Buqaralyq sportty damytý aıasynda sport ınfraqurylymyn, onyń ishinde aýyldy jerlerde damytýǵa basa nazar aýdarylyp otyr. Máselen, 2023 jylǵa deıin shamamen 159 aýyl mektebin sport zalmen qamtamasyz etý josparlanǵan», - dedi Asqar Mamın.

Úkimet basshysynyń atap ótýinshe, Bilim jáne ǵylym mınıstrligi dene shynyqtyrý muǵalimderiniń biliktiligin arttyrý jumysyn jolǵa qoıǵan. Ótken jyly 447 dene shynyqtyrý muǵalimi biliktilik arttyrý kýrsynan ótti. Al bıyl 2 myńnan astam pedagogty qaıta daıarlaý kózdelip otyr. Sonymen qatar 2021 jyldyń qańtarynan sabaqtan tys sport úıirmelerin ótkizgeni úshin dene shynyqtyrý muǵalimderine bazalyq laýazymdyq jalaqynyń 100 paıyzy mólsherinde ústemeaqy tóleý engizildi. Ústemeaqy dene shynyqtyrý muǵalimderin bilim berý uıymdarynda sektsııalar ashýǵa yntalandyratyn bolady.

«Balalardyń densaýlyǵy men tálim-tárbıesine ulttyq sport túrlerinen sabaq ótkizý de oń áserin tıgizbek. Qazirgi ýaqytta Mádenıet jáne sport mınıstrligi men Bilim jáne ǵylym mınıstrligi «qazaq kúresi», «toǵyzqumalaq», «asyq atýdy» aldaǵy ýaqytta dene shynyqtyrý boıynsha mektep baǵdarlamasyna qosý jáne mindetti sabaq retinde ótizý úshin ádisteme ázirlep jatyr», - dedi Premer-Mınıstr.


Joǵary qaraı