Aýa raıy
Astana 28 °S
Almaty 33 °S
valıýta baǵamy
USD 412.55
EUR 468.66
RUB 5.79
CNY 58.80

Mektepterde 5 oqýshyǵa kem degende 1 kompıýterden kelýi kerek – mınıstr

2020 jyldyń 30 maýsym 2020 10:11

NUR-SULTAN. QazAqparat – Úkimetke «Tsıfrlyq bilim» jobasyn tanystyrǵan Bilim jáne ǵylym mınıstri Ashat Aımaǵambetov aýqymdy jumysty júzege asyrý úshin qajetti ınfrqurylym óte qajet ekenin málim etti, dep habarlaıdy QazAqparat tilshisi.

«Mysaly PISA zertteýi kórsetkendeı, ınternetke qosylǵan kompıýterdiń bolýy oqýshylardyń nátıjesin 20 balǵa arttyrady. Osyǵan baılanysty jergilikti atqarýshy organdar mektepterdi ınternet jelisine tolyq qosýdy qamtamasyz etýi tıis. Mektepterdi kompıýterlendirýdi jáne tıisti quraldarmen jabdyqtaýdy aıaqtaý qajet. Mektepte kem degende 5 oqýshyǵa 1 kompıýterden keletindeı maqsatqa qol jetkizý qajet», - dedi mınıstr.

Onyń aıtýynsha, tıisti jabdyqtar bolmaı, oqýshylardyń tsıfrlyq quzyretin damytý múmkin emes.

«Buǵan qosa, 2022 jylǵa deıin robototehnıka jáne STEM zerthanalaryn barlyq mektepterge satyp alý qajet ekenin atap ótemin. Jalpy usynylǵan sharalar adamı kapıtaldy damytýǵa, tsıfrlyq ekonomıka úshin jańa kadrlar daıarlaýǵa múmkindik beredi», - dedi ol.



Joǵary qaraı