Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mektepke deıingi uıym pedagogterine eńbekaqy tóleýdi qaıta qaraý qajet – senator

2022 jyldyń 19 mamyr 2022 12:36

NUR-SULTAN. QazAqparat – Mektepke deıingi mekemelerde jumys isteıtin mamandardyń 50%-ynda mamandandyrylǵan salalyq bilim joq. Bul týraly senator Dınar Nóketaeva depýtattyq saýalynda aıtty, dep habarlaıdy QazAqparat tilshisi.

Onyń aıtýynsha, elimizde mektepke deıingi bilim berý salasyndaǵy oń ózgeristerge qaramastan, júıeli sheshimdi qajet etetin birqatar kúrdeli máseleler bar.

Depýtat mektepke deıingi bilim berý salasyndaǵy bar problemalardy birneshe negizgi bloktarǵa bólýge bolady dep esepteıdi. Onyń ishinde: qarjylandyrý máseleleri, jalpy jáne ǵylymı tásilder, kadrlyq qamtamasyz etý jáne osy saladaǵy sapaly qoldaý da bar. Osy faktorlardyń saldarynan mektepke deıingi sala qyzmetkerleri pedagogıkalyq jáne psıhoemotsıonaldyq turǵyda aýyr jaǵdaıǵa tap bolady. Balalarǵa qol kóterýge deıin qatygezdik tanytý, sondaı-aq mektepke deıingi uıymdardaǵy pedagogter tarapynan tártiptik buzýshylyqtar jıi bolyp otyr.

«Barlyq mektepke deıingi uıymdarda 3 jasqa deıingi balalarǵa arnalǵan balabaqsha toptaryn ashý ýaqyt kúttirmeıdi. Jergilikti atqarýshy organdar qazirgi jaǵdaı men boljaý derekterin taldaý negizinde óńirdiń strategııalyq josparymen baılanystyra otyryp, mektepke deıingi salany damytýdyń qysqa merzimge arnalǵan keshendi josparyn ázirleýi qajet. Óńirde jan basyna shaqqandaǵy qarjylandyrý koeffıtsıentin ulǵaıtý jóninde sharalar qabyldanýy tıis. Saralanǵan jáne mólsherlemelik aqy tóleý júıesiniń tetikterin paıdalana otyryp, mektepke deıingi uıymdardyń pedagogterine eńbekaqy tóleý júıesin qaıta qaraý qajet», - dedi D. Nóketaeva.


Avtor Aıjan Serikjanqyzy
Basty sózder: Parlament, Senat, Bilim,
Joǵary qaraı