Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektep túlekteriniń qorytyndy attestattaýy 28 mamyrda bastalady

2021 jyldyń 5 mamyr 2021 13:42

NUR-SULTAN. QazAqparat - 9 (10) synyp oqýshylarynyń qorytyndy bitirý emtıhandary 2021 jylǵy 28 mamyr men 5 maýsym aralyǵynda ótedi, dep habarlaıdy QazAqparat.

QR Bilim jáne ǵylym mınıstrliginiń Telegram kanalynyń habarlaýynsha, oqýshylar qorytyndy attestattaýdy úsh pán boıynsha tapsyrady: oqytý tili boıynsha esse nysanynda jazbasha emtıhan; matematıkadan (algebradan) jazbasha emtıhan; ózge tilderde oqıtyn synyptarda qazaq tili men ádebıeti boıynsha jazbasha emtıhan jáne qazaq tilinde oqytatyn synyptardaǵy orys tili men ádebıeti boıynsha jazbasha emtıhan.

11 (12) synyp oqýshylarynyń memlekettik bitirý emtıhandary 2021 jylǵy 1-10 maýsym aralyǵynda ótedi. Mektep bitirýshiler tórt pán boıynsha emtıhan tapsyrady: oqytý tili boıynsha esse nysanynda jazbasha emtıhan; algebra jáne analız bastamalary páninen jazbasha emtıhan; Qazaqstan tarıhynan testileý; ózge tilderde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý.

2020-2021 oqý jylyn 3,4 mln astam oqýshy aıaqtap jatyr. Olardyń ishinde 150 myńǵa jýyǵy — 11 (12) synyp túlekteri, 270 myńǵa jýyǵy — 9 synyp oqýshylary.


Joǵary qaraı