Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektep túlekteri úshin qorytyndy attestattaý qalaı ótedi

2021 jyldyń 11 mamyr 2021 13:07

NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova mektep túlekteriniń qorytyndy attestattaýyna qatysty túsinik berdi, dep habarlaıdy QazAqparat tilshisi.

«9 jáne 11 synyp oqýshylarynda bıyl qorytyndy attestattaý júrgiziledi. Qorytyndy attestattaý sany qysqartyldy, ıaǵnı toǵyzynshy synypta 3 pán boıynsha jáne 11-synypta 4 pán boıynsha eskerilgen. Qorytyndy attestattaýdyń negizinde 9-synypta negizgi bilim alý jónindegi attestat jáne 11- synypta orta bilim alý jónindegi attestat alady», - dedi Sh. Karınova mınıstrliktiń apparat jınalysynda.

Onyń aıtýynsha, toǵyzynshy synyp úshin birinshi emtıhan oqytý tiline baılanysty 28 mamyr kúni ótkiziledi. Bul turǵyda jańartylǵan bilim berý mazmunyna qatysty engizilgen ózgeristerge sáıkes, toǵyzynshy synyp oqýshylary esse jazady. Ony ótkizýge eki saǵat ýaqyt beriledi.

Ekinshi emtıhan 3 maýsym kúni (algebra) uıymdastyrylady. Osy oraıda 10 testi suraǵy men 5 tapsyrmany oryndaý júkteledi. Úsh saǵat ýaqytta oqýshylar emtıhandy jazbasha túrde tapsyrady.

Kelesi emtıhan (5 maýsymda) ekinshi oqytý tiline baılanysty júrgiziledi. Bul jerde usynylatyn tapsyrmaǵa eki saǵat bólinedi.

«11-synyp oqýshylaryna toqtalsaq, olar tórt emtıhan tapsyrady. 1 maýsym kúni oqytý tiline baılanysty emtıhan jazbasha túrde júrgiziledi. Osy oraıda esse taqyryptary Ulttyq biryńǵaı testileý ortalyǵynda kórsetilgen. Bul jumysqa ár oqýshyǵa 3 saǵat beriledi. Budan bólek, 4 maýsymda algebra páni boıynsha jazbasha emtıhan júrgiziledi. Oǵan 5 saǵat ýaqyt bólinedi», - dedi vıtse-mınıstr.

Munymen qosa, 7 maýsymda 11-synyp úshin Qazaqstan tarıhynan testileý eskerilgen. Al 10 maýsymda ekinshi oqytý tiline baılanysty emtıhan bolady.

Budan buryn habarlanǵandaı, 2020-2021 oqý jylyn 3,4 mln astam oqýshy aıaqtap jatyr. Olardyń ishinde 150 myńǵa jýyǵy — 11 (12) synyp túlekteri, 270 myńǵa jýyǵy — 9 synyp oqýshylary.



Joǵary qaraı