Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Meksıkada 3,5 myńnan astam úı tasqyn sý astynda qaldy

2021 jyldyń 5 qazan 2021 09:09

MEHIKO. QazAqparat – Meksıkanyń ortalyq bóliginiń Keretaro shtatyndaǵy 3,5 myńnan astam turǵyn úı qatty jańbyrdyń saldarynan ózenderdiń tasýynan sý astynda qaldy, dep habarlaıdy QazAqparat Milenio gazetine silteme jasap.

Basylymǵa aımaq gýbernatory Maýrısıo Kýrı málimdegendeı, seısenbi kúni óńirde keltirilgen zalal shyǵynyn baǵalaý bastalady.

«Erteń 120 adam tizim qurastyrýǵa kirisedi, olar onda qansha adam turaqty túrde turyp jatqan, qanshasy úı jaldap turyp jatqanyn kóredi. Biz árqaısysy úshin sheshim qabyldaýǵa qandaı múmkindigimiz bolatynyn saralaımyz», - dedi saıasatker.

Buǵan deıin áskerı qyzmetshiler men qutqarýshylar sý basqan aýdandardan 3 myńnan astam adamdy evakýatsııalaǵan.

Qyrkúıek aıynyń basynda nóser saldarynan bolǵan sý tasqyny Keretaromen shekaralas Idalgo shtatyndaǵy ondaǵan myń úıge zııan keltirdi. Aıtarlyqtaı úlken zalal Týla-de-Alende qalasyna keldi, onda sý basqan aýrýhanada naýqastar qaıtys boldy. Tabıǵat apaty jalpy alǵanda 70 myńnan astam adamǵa áser etti. Zalaldy joıýǵa júzdegen qutqarýshy, áskerı qyzmetshiler men Ulttyq ulan jaýyngerleri jumyldyryldy.


Basty sózder: Álem, Sý tasqyny,
Joǵary qaraı