Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mehıkoda metrokópir qırap 23 adam qaza tapty

2021 jyldyń 4 mamyr 2021 19:06

MEHIKO. QazAqparat – Meksıka astanasy Mehıko qalasynyń metropolıteninde qaıǵyly oqıǵa boldy. Poıyz ótip bara jatqan estakada opyrylyp túsip, kem degende 23 adam qaza tapty, olardyń arasynda balada bar. Bul týraly QazAqparat Euronews-ke silteme jasap habarlaıdy.

Sońǵy málimet boıynsha, zardap shekkender sany – 70 adam. Olardyń kóbi aýrýhanaǵa jetkizilgen. Birneshe adam aýyr halde jatyr.

Oqıǵa dúısenbi kúni, jergilikti ýaqyt boıynsha keshki saǵat 22-de metronyń 12-shi jelisindegi «Olıvos» jáne «Tesonko» stansalarynyń arasynda bolǵan. Kópirdiń astynda kólik joly ornalasqan. Poıyz quramynyń eki vagony men estakadanyń bir bóligi kópir astyndaǵy jolmen ótken kólikterdiń ústine qulady.

Qazirgi kezde qutqarý operatsııasy aıaqtaldy.

Oqıǵanyń sebepteri anyqtalyp jatyr. Estakada kóliktiń biri kópir tireýiniń soqqannan qulaǵan dep habarlanyp otyr. Sondaı-aq, metropolıtenniń bul jelisiniń qurylysy kezinde kóptegen kemshilikke jol berilgeni belgili boldy.


Basty sózder: Álem,
Joǵary qaraı