Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Medqyzmetkerlerge sanat boıynsha aqy tóleý tarıfin jyl basynda bekitý usynyldy

2022 jyldyń 27 sáýir 2022 15:21

NUR-SULTAN. QazAqparat - Tarıf qaıshylyǵy Prezıdenttiń medıtsına qyzmetkerlerine jalaqyny 30% arttyrý tapsyrmasyn keshiktirip jatyr. Májilis depýtaty Gúldara Nurymova QR Premer-Mınıstriniń orynbasary Eraly Toǵjanovtyń atyna joldaǵan saýalynda osyndaı másele kóterdi, dep habarlaıdy QazAqparat tilshisi.

«Densaýlyq saqtaý mınıstriligi qoǵammen birlesip medıtsına qyzmetkerlerine sanattary úshin aqy tóleý jóninde kelisim jasady. Durys tendentsııa. Degenmen, kelisim jasalǵanymen sanattarǵa tóleý máselesi sheshilgen joq. Óz kezinde, Áleýmettik Medıtsınalyq Saqtandyrý Qory men medıtsınalyq mekemeler arasynda jyl basynda kelisimshart jasalady. Biraq, jańa tarıfter tek sáýirde jetedi. Osynyń nátıjesinde keıbir medıtsına ujymdary artyq qyzmet jasasa, ol ótelmeıdi. Bul medıtsına mekemege basym kópshiligine úlken zııan ákeledi», - dedi depýtat.

Aıtýynsha, tolyq pysyqtalmaǵan kelisimniń kesirinen Prezıdent tapsyrmasynyń oryndalý barysyna zııan tıip jatyr.

«Prezıdent Qasym-Jomart Kemeluly Toqaev medıtsına salasynyń qyzmetkerlerine jalaqyny 30% arttyrý jóninde tapsyrma berdi. Biraq tarıf qaıshylyǵyna baılanysty bul tapsyrma tolyq oryndalmaı otyr. Óıtkeni, barlyq aýyrtpalyq medıtsına mekemesine júktelgen. Mekemeniń ózin damytýǵa az qarajat qalady», - dedi Gúldara Nurymova.

Májilis depýtaty bul problemany sheshý úshin «AMANAT» fraktsııasynyń birneshe naqty usynys tastady. Olar:

- tarıfterdi jyldyń basynda bekitý;

- medıtsına mekemesine jalpy jasalǵan qyzmetine qaraı tóleý;

- medıtsına qyzmetkerlerine sanattary úshin aqy tóleý máselelerin jedel sheshý.

Májilistiń búgingi jalpy otyrysynan keıin spıker Erlan Qoshanov Tuńǵysh Prezıdent týraly Zań qashan kúshin joıatynyn aıtty.


Joǵary qaraı