Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Medıtsınalyq uıymdar qosymsha shyǵyndarǵa aqy suramaýy kerek

2022 jyldyń 29 mamyr 2022 06:30

NUR-SULTAN. QazAqparat - Patsıentter Tegin medıtsınalyq kómektiń kepildik berilgen kólemi (TMKKK) nemese Mindetti áleýmettik medıtsınalyq saqtandyrý júıesi (MÁMS) boıynsha usynylatyn medıtsınalyq kómek úshin qosymsha aqy tólemeýi tıis, dep habarlaıdy QazAqparat.

Vedomstvonyń baspasóz qyzmetiniń málimetinshe, plenka men optıkalyq jetkizgish úshin, ıaǵnı rentgen, kompıýterlik tomografııa nemese magnıtti-rezonanstyq tomografııa nátıjelerin jazatyn dıskige qosymsha aqy tóleýdiń qajeti joq. Bul shyǵyndar TMKKK nemese MÁMS esebinen kórsetiletin qyzmetterdiń qunyn jasaqtaý kezinde eskerilgen.

«Sol sııaqty, emhanadan nemese patsıenttiń ózinen shyǵys materıaldaryna qosymsha shyǵyndardyń ótelýin talap etýge quqyǵy joq. Sondyqtan mundaı kez-kelgen talap zańsyz. Sternaldy pýnktsııaǵa arnalǵan ınege keletin bolsaq, ol qyzmet qunyna kiredi jáne MÁMS esebinen tolyq usynylady. Sizden dári-dármekterdi kúndizgi statsıonarǵa ákelýdi nemese sol jerde tólem jasaýdy suraýy da múmkin. Siz ony tóleýge tıis emessiz. Statsıonardy almastyrǵan jaǵdaıda da, ıaǵnı kúndizgi statsıonarda emdeýshi dárigerdiń joldamasy bolsa, negizgi aýrýdy emdeý tolyqtaı TMKKK nemese MÁMS qarajaty esebinen júrgiziledi, dárilik zattar men medıtsınalyq buıymdar tegin usynylady», - dep túsindirdi mekemeden.

Eger medıtsınalyq kómek kórsetýden bas tartqan jaǵdaıda nemese shyǵyn materıaldary úshin qosymsha aqy tóleý suralatyn bolsa, Patsıentterdi qoldaý qyzmetine nemese Áleýmettik medıtsınalyq saqtandyrý qoryna habarlasýǵa bolady.


Basty sózder: Medıtsına, Densaýlyq,
Joǵary qaraı