Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Medıtsınalyq saqtandyrylǵan elordalyqtar sany 24 myń adamǵa azaıdy

2021 jyldyń 28 qazan 2021 17:33

NUR-SULTAN. QazAqparat – Elordada Mindetti áleýmettik medıtsınalyq saqtandyrý júıesine qatysýshylar sany 997 myń adamǵa jetti. Bul týraly «Áleýmettik medıtsınalyq saqtandyrý qory» KEAQ Nur-Sultan qalalyq fılıalynyń dırektory Nurlybek Qabdyqaparov aıtty, dep habarlaıdy QazAqparat tilshisi.

«Qor turǵyn halyqtyń medıtsınalyq saqtandyrý júıesinen tys qalmaýy úshin olardy qamtý jumystaryn jalǵastyrýda. 9 aıdyń qorytyndysy boıynsha Nur-Sultan qalasy boıynsha MÁMS júıesine qatysýshylar sany kóbeıip, 973 316 adamǵa jetti. Biraq, 2021 jylǵy 1 mamyrda Nur-Sultan qalasy boıynsha MÁMS júıesine qatysýshylardyń sany 997 927 adamdy quraǵanyn atap ótý qajet. ıAǵnı 2021 jylǵy II toqsanmen salystyrǵanda qazir qala boıynsha MÁMS júıesinde saqtandyrylǵandar sany 24 611 adamǵa az»,- dedi ol onlaın brıfıng barysynda.

Onyń dereginshe, elordada 244 myńnan astam turǵyn MÁMS júıesimen qamtylmaǵan.

«Olardyń 49,7 myńy jarna turaqty túrde aýdarylmaýyna baılanysty júıeden tys qalǵan», - dedi Nurlybek Qabdyqaparov.


Joǵary qaraı