Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Medıtsına kadrlaryn yntalandyrý úshin Úkimet qandaı sharalar qabyldaýda

2021 jyldyń 25 qazan 2021 18:57

NUR-SULTAN. QazAqparat – Úkimet medıtsına kadrlaryn yntalandyrý maqsatynda birqatar júıeli is-sharalar qabyldaýda. Bul týraly Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabyna aıtylǵan, dep habarlaıdy QazAqparat tilshisi.

«Úkimet medıtsına kadrlaryn yntalandyrý maqsatynda birqatar júıeli is-sharalar qabyldaýda. Memleket Basshysynyń tapsyrmalaryn iske asyrý aıasynda 2023 jylǵa qaraı dárigerlerdiń jalaqysyn kezeń-kezeńimen kóterý, onyń ekonomıkadaǵy ortasha jalaqyǵa araqatynasyn 2,5 esege deıin jetkizý, medıtsına qyzmetkerleriniń mártebesin arttyrý, aýyldyq eldi mekenderge kelgen jas mamandardy áleýmettik qoldaý boıynsha is-sharalar qabyldanýda»,- dep atap ótedi vıtse-premer jaýabynda.

Onyń atap ótýinshe, jergilikti atqarýshy organdar medıtsına qyzmetkerlerin áleýmettik qoldaý aıasynda jataqhanalar usyný, kommýnaldyq shyǵystar, baılanys qyzmetteri, jaldaý tólemderi boıynsha ótemaqy tólemderi uıymdastyrý, balabaqshalarda oryndar bólý, jubaıy/zaıybyn jumysqa ornalastyrý jáne basqa is-sharalardy qabyldap jatyr.

«Máselen, medıtsınalyq kadr tapshylyǵyn tómendetý boıynsha jumys Qostanaı, Soltústik Qazaqstan jáne Aqmola oblystarynda, sondaı-aq Nur-Sultan qalasynda oń nátıje berýde. Onda jas mamandardy áleýmettik qoldaý is-sharalary olardyń ornyǵý kórsetkishiniń artýyna yqpal etýde. Sondaı-aq Shyǵys Qazaqstan jáne Qyzylorda oblystarynda bıznestiń qoldaýymen turaqty negizde medıtsına qyzmetkerlerin oqytý, onyń ishinde shetelderde bilim alýǵa joldama berý tájirıbesi engizilýde. Jyl saıyn óńirlerdiń jergilikti bıýdjetinen jáne medıtsınalyq uıymdardyń qarajatynan stıpendııa tóleı otyryp, rezıdentýrada medıtsına mamandaryn daıarlaýǵa qarjylandyrý bólinedi»,- dedi Eraly Toǵjanov.


Joǵary qaraı