Aýa raıy
Astana -6 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Medıasarapshylar salalyq jýrnalıstıkanyń damýyn talqylady

2020 jyldyń 17 qarasha 2020 16:50

NUR-SULTAN. QazAqparat – Qazaqstanda salalyq jýrnalısterge arnalǵan bir aılyq onlaın-kýrs aıaqtaldy. Osyǵan oraı, búgin Nur-Sultan qalasynda QR Aqparat jáne qoǵamdyq damý vıtse-mınıstri Kemelbek Oıshybaevtyń qatysýymen «2020 jylǵy qazaqstandyq jýrnalıstıka: syn-tegeýrinder men múmkindikter» atty qorytyndy dóńgelek ústel otyrysy ótti, dep habarlaıdy QazAqparat.

«Qarjy, quqyq, medıtsına, dinı, sondaı-aq tsıfrlandyrý salalaryndaǵy problemalyq máseleler boıynsha aqparatty halyqqa jetkizý tıimdiligin arttyrý» atty granttyq joba QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KeAQ-tyń memlekettik granty aıasynda júzege asyrylǵan bolatyn.

Atap aıtqanda, 12 qazan - 13 qarasha aralyǵynda medıtsına, sondaı-aq qarjylyq, quqyqtyq, dinı jáne tsıfrlyq saýattylyq taqyryptarynda jýrnalısterge arnalǵan onlaın-kýrstar, barlyǵy 25 sessııa ótkizildi.

Joba trenerleri – halyqaralyq jáne qazaqstandyq jýrnalıster, medıasarapshylar, sala ókilderi.

Kemelbek Oıshybaev kadrlyq áleýettiń jáne salalyq jýrnalıstıkanyń BAQ damýyndaǵy mańyzdy rólin atap ótti. Sebebi mamandardyń kásibı biliktiligi sapaly jáne suranysqa ıe kontent jasaýǵa múmkindik beredi.

«Dóńgelek ústel» barysynda qatysýshylar qazirgi zamanǵy jýrnalıstıkanyń negizgi problemalyq máselelerin talqylady.

Іs-sharaǵa «Forbes Kazakhstan» baspageri Armanjan Baıtasov, «Almaty» telearnasynyń bas dırektory Nurjan Muhamedjanova, «Business FM» radıostantsııasynyń bas dırektory Rýstam Maqsutov, «Inbusiness.kz» aqparattyq agenttiginiń dırektory Mıra Halına, qurmetti sýdıa, zańger Baqytjan Jaqypov, ál-Farabı atyndaǵy Qazaq ulttyq ýnıversıtetiniń professory Qalımash Begalınova jáne basqalary qatysty.


Joǵary qaraı