Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Medıamektep túlekterine sertıfıkat berildi

2022 jyldyń 25 mamyr 2022 21:03

NUR-SULTAN. QazAqparat - «Qazaqstan» arnasy medıamektebiniń alǵashqy kezeńi aıaqtaldy, dep habarlaıdy QazAqparat.

QR Aqparat jáne qoǵamdyq damý mınıstri Asqar Ýmarov atalǵan medıamekteptiń alǵashqy túlekterine sertıfıkat tabystady.

Otandyq aqparat keńistiginde teleradıoarnalar janynan qurylǵan tuńǵysh respýblıkalyq medıamektep 2021 jylǵy qarasha aıynda jumysyn bastady. 7 aı merzim aralyǵynda medıamektepte qazaqstandyq JOO-nyń jýrnalıstıka, kıno jáne televızııa, rejıssýra fakýltetiniń 30 stýdenti aqysyz negizde praktıkalyq kýrstardan ótti.

Sharada «Qazaqstan» respýblıkalyq teleradıokorporatsııasy» AQ-nyń qurylymdaryna qyzmetke jáne kadrlyq rezervine qabyldanǵan medıamektep túlekteriniń esimderi ataldy. Medıamekteptiń 7 úzdik túlegi eńbek jolyn Korporatsııaǵa qarasty «Qazaqstan» Ulttyq telearnasy jáne «Abai Tv» telearnasynan bastaıdy.




«Otandyq basqa da memlekettik buqaralyq aqparat quraldary salaǵa qosylatyn jas mamandardy praktıkalyq turǵydan shyńdap, tájirıbeden ótkizý jáne kadrlyq rezervke engizý tájirıbesin qolǵa ala bastaýy tıis. Bul – kúnde ózgeriske ushyrap jatqan medıa salasy úshin mańyzdy. Osy rette «Qazaqstan» teleradıokorporatsııasynyń taǵy bir jobasy – «Balapan» arnasynyń janynan qurylǵan erekshe balalarǵa arnalǵan anımatsııa mektebi de úzdik mysal», - dedi sózinde mınıstr Asqar Ýmarov.

«Bizdiń maqsatymyz - tájirıbemen, bilimmen bólisý, qarashańyraqtaǵy kadrlar sabaqtastyǵyn jalǵaý. Osy rette «Qazaqstan» teleradıokorporatsııasynyń televızııa mamandaryna arnalǵan medıamektebiniń jumysy turaqty túrde jalǵasatynyn habarlaımyz. Іri medıaqurylym retinde eńbekke endi aralasatyn jas mamandarǵa qoldaý kórsetýge daıynbyz», - dedi Basqarma tóraǵasy Lázzat Tanysbaı.

Medıamekteptiń ekinshi kezeńine ótinimder qabyldaý merzimi qosymsha jarııalanady.

















Joǵary qaraı