Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májiliste Nurlan Nyǵmatýlın TúrkPA Bas hatshysymen kezdesti

2021 jyldyń 26 qarasha 2021 11:01

NUR-SULTAN. QazAqparat - Májilis Tóraǵasy Nurlan Nyǵmatýlın Túrkitildes elder Parlamenttik Assambleıasynyń (TúrkPA) jańa Bas hatshysy Mehmet Sıýreııa Erdy qabyldap, aldaǵy jumys baǵyttaryn talqylady, dep habarlaıdy QazAqparat.

Otyrysta palata Spıkeri Túrkistanda TúrkPA-nyń X-shi plenarlyq otyrysy joǵary deńgeıde ótkizilgenin, sondaı-aq jýyq arada Ystanbulda ótken Túrkitildes memleketterdiń yntymaqtastyq keńesiniń 8-shi sammıtinde tarıhı sheshimder qabyldanǵanyna nazar aýdardy.

Nurlan Nyǵmatýlın atap ótkendeı, sonyń ishinde Qazaqstannyń Tuńǵysh Prezıdenti, Túrki keńesiniń Qurmetti tóraǵasy Nursultan Nazarbaevtyń bastamasymen Túrkitildes memleketter yntymaqtastyǵy keńesiniń ataýy «Túrki memleketteri uıymy» ataýyna ózgerdi. «Túrki áleminiń keleshegi - 2040» qujatynyń qabyldanýy, sonymen qatar Túrikmenstannyń uıymǵa baqylaýshy mártebesine ıe bolýy Uıym damýyndaǵy jańa kezeń.




Májilis Tóraǵasy TúrkPA-nyń da ataýyn «Túrki memleketteriniń Parlamenttik Assambleıasy» dep ózgertýdiń ýaqyty keldi dep sanaıtynyn aıtyp, Hatshylyq bul máseleni zańnamalyq deńgeıde qamtamasyz etý kerektigine mán berdi.

Otyrys barysynda TúrkPA-ǵa qatysýshy memleketterdiń ulttyq zańnamalaryn úılestirý jáne jaqyndastyrý jumystary júıeli túrde júrgizilý qajettiligi aıtylyp, TúrkPA-nyń 2022-2027 jyldarǵa arnalǵan zań jobalaý qyzmetiniń baǵdarlamasyna erekshe nazar aýdaryldy.


Joǵary qaraı