Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Májilis Joǵarǵy sot tóraǵasy men sýdıasy úmitkerlerine qatysty qujatty maquldady

2021 jyldyń 24 aqpan 2021 12:59

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Qazaqstan Respýblıkasy Konstıtýtsııalyq zań jobasy ekinshi oqylymda maquldandy, dep habarlaıdy QazAqparat tilshisi.

Zań jobasynda Joǵarǵy Sottyń jumys istep turǵan mamandandyrylǵan sot alqasyn taratý jáne ákimshilik ister boıynsha sot alqasyn qurý usynylady. Oblystyq sottarda da tıisti sot alqalary qurylatyn bolady, bul óńirlerde isterdi bólýge baılanysty únemi ózgerip otyratyn jaǵdaıǵa ýaqtyly den qoıýǵa múmkindik beredi. Zań jobasynda usynylyp otyrǵan normalar ákimshilik ádiletti engizýdiń bastapqy kezeńinde júktemeni teń bólýge, sondaı-aq Ákimshilik quqyq buzýshylyqtar men jarııa daýlar týraly isterdi qaraý jónindegi sot praktıkasynyń arajigin ajyratýǵa múmkindik beredi», - dedi depýtat Qanat Mýsın.

Onyń aıtýynsha, zań jobasymen Joǵarǵy Sot tóraǵasy, sondaı-aq Joǵarǵy Sot sýdıalary laýazymyna úmitkerlerge qoıylatyn talaptarǵa qatysty ózgerister engiziledi. Bul túzetýler eldiń Joǵary Sot organyna mamandandyrylǵan quqyq salalarynda mol tájirıbesi bar tájirıbeli zańgerlerdi tartýǵa baǵyttalǵan. Bul sharalar neǵurlym daýly ister boıynsha sot tóreliginiń sapasyn arttyrady jáne búkil sot júıesine oń áserin tıgizedi.

«Osy túzetýlerdiń Memleket basshysy usynǵan úmitkerlerge ǵana qatysty ekenin jáne basqa sýdıalarǵa qoldanylmaıtynyn atap ótý qajet. Zań jobasyn jumys toby aıasynda talqylaý kezinde quqyqtyq olqylyqtardy boldyrmaý, zań jobasynyń normalaryn bir-birine jáne Qazaqstan Respýblıkasynyń basqa da zańnamalyq aktilerine sáıkes keltirý maqsatynda redaktsııalyq, naqtylaý sıpattaǵy túzetýler engizildi», - dedi depýtat.

Eske sala keteıik, atalǵan qujat bıyl 17 aqpanda Májilistiń jalpy otyrysynda birinshi oqylymda maquldanǵan edi.

https://www.inform.kz/qz/zhogargy-sot-toragasy-zhane-sud-yasy-lauazymyna-kandidattarga-katysty-talapka-ozgeris-engizildi_a3754108


Joǵary qaraı