Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Májilis TMD elderimen yntymaqtastyqty keńeıtýge baǵyttalǵan qujatty maquldady

2020 jyldyń 24 qarasha 2020 11:44

NUR-SULTAN. QazAqparat – Májilistiń jalpy otyrysynda «1999 jylǵy 8 qazandaǵy Erkin saýda aımaǵyn qurý týraly kelisimge qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaýdyń tártibi týraly kelisimge ózgerister engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Hattamaǵa 2019 jylǵy 31 mamyrda Ashǵabat qalasynda Táýelsiz Memleketter Dostastyǵyna qatysýshy memleketterdiń premer-mınıstrleri qol qoıdy.

«Zań jobasyn ázirleý qajettigi 2011 jylǵy 18 qazanda Sankt-Peterbýrgte Táýelsiz Memleketter Dostastyǵyna qatysýshy memleketterdiń jańa Erkin saýda aımaǵy týraly shartqa qol qoıylýyna baılanysty týyndady. Onyń kúshine enýine baılanysty birqatar halyqaralyq sharttar, sonyń ishinde 1994 jylǵy 15 sáýirdegi Erkin saýda aımaǵyn qurý týraly kelisim óz áreketin toqtatty. Sondyqtan joǵaryda kórsetilgen Shartqa sáıkes keltirý maqsatynda Qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaýdyń tártibi týraly kelisimniń kirispesine ózgeris engiziledi», - dedi QR Qarjy mınıstri Erulan Jamaýbaev.

Ekinshiden, joǵaryda kórsetilgen shartqa sáıkes keltirý jáne biryńǵaı «Táýelsiz Memleketter Dostastyǵynda taýarlardyń shyǵarylǵan elin aıqyndaý erejesin» belgileý maqsatynda kelisimniń 2-baby 2009 jylǵy 20 qarashadaǵy ataýy osyndaı Erejege siltememen tolyqtyryldy. Úshinshiden, Kelisimniń 6-baby jańa redaktsııada jazyldy. Onyń máni – qajet bolǵan jaǵdaıda Táýelsiz Memleketter Dostastyǵyna qatysýshy memleket ótkizý pýnktterinde birlesken kedendik baqylaýdy jáne kedendik operatsııalardy júzege asyrý úshin jaǵdaı jasap beredi.

«Bul taýarlardyń ótýin jedeldetýge múmkindik beredi ári keden organdardyń baqylaý ýaqytyn qysqartady. Jalpy, zań jobasyn ratıfıkatsııalaý taýarlardy kedendik resimdeý jáne kedendik baqylaý tártibine tujyrymdamalyq ózgerister engizýdi kózdemeıdi. Hattama TMD qatysýshy memleketter arasynda yntymaqtastyqty keńeıtýge, tereńdetýge, yqpaldasýǵa jáne ózara kómek kórsetýge baǵyttalǵan.

Osy hattamany iske asyrý memlekettik bıýdjetten qarjy shyǵynyn qajet etpeıdi», - dedi mınıstr.


Avtor Rýslan Ǵabbasov
Basty sózder: Májilis, TMD, Keden, Keden odaǵy,
Joǵary qaraı