Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis: Syrtqy jarnamalar qazaq tilinde durys jazylatyn bolady

2021 jyldyń 6 qazan 2021 12:29

NUR-SULTAN. QazAqparat – Parlament Májilisiniń jalpy otyrysynda kórneki aqparat máseleleri boıynsha ózgerister men tolyqtyrýlar engizý týraly zań jobasy ekinshi oqylymda maquldandy, dep habarlaıdy QazAqparat tilshisi.

Zań jobasy 2021 jylǵy 24 aqpanda Qazaqstan Respýblıkasy Parlamenti Májilisiniń jalpy otyrysynda birinshi oqylymda maquldandy.

«Zań jobasynyń maqsaty – syrtqy jarnamalar men ártúrli mańdaıshalardaǵy, basqa da rekvızıstter men kórneki aqparattardyń memlekettik tilde durys jazylýy jáne mátinderdiń túpnusqaly aýdarmasy boıynsha qosymsha talaptardy belgileý. Saılaýshylar jıi kóteretin taqyryptardyń biri - osy kórneki aqparattaǵy qazaq tilindegi jazylatyn mátinniń saýatsyzdyǵy, keıbir jaǵdaıda tipti qazaq tilinde mátinniń bolmaýy. Osyǵan baılanysty naqty talaptar engizildi», - dedi Májilis depýtaty Berik Ábdiǵalıuly.

Zań jobasymen jumys isteý barysynda depýtattar:

- ákimshilik-aýmaqtyq birlikterdiń, eldi mekenderdiń quramdas bólikteriniń, sondaı-aq basqa da geografııalyq obektilerdiń dástúrli tarıhı qalyptasqan qazaq ataýlaryn memlekettik tilde jazýǵa;

- memlekettik emes uıymdardyń blankileri men mańdaıshalaryn memlekettik tilde, qajet bolǵan kezde ǵana orys jáne (nemese) basqa da tilderde jazýǵa;

- jol belgilerindegi jazbany memlekettik tilde jazýǵa;

- habarlandyrýlardy, jarnamany, preıskýranttardy, baǵa kórsetkishterin, as mázirin, nusqaǵyshtar men basqa da kórneki aqparatty memlekettik tilde, qajet bolǵan kezde orys nemese basqa da tilderde ornalastyrýǵa baǵyttalǵan túzetýler engizdi.

«Búl túzetýler qoǵamda, buqaralyq aqparat quraldarynda, áleýmettik jelilerde jıi kóterilip júrgen qazaq tiliniń mártebesi máselelerin sheshýge bir qadam jaqyndatady. Osy usynystar árbir azamattyń, ásirese, kásipkerlerdiń jaýapkershiligin kúsheıtýge múmkindik beredi dep sanaımyz», - dedi depýtat.

Budan basqa, din salasyndaǵy zańnamany jetildirýdi kózdeıtin normalar engizildi.

«Dinı qyzmetti reglamentteıtin usynystardyń engizilýine baılanysty zań jobasynyń taqyrybyn «Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» dep ózgertý boıynsha túzetý engizildi. Jumys tobynyń 13 otyrysy jáne Komıtettiń keńeıtilgen eki otyrysy ótkizildi. Salystyrmaly keste qabyldanǵan 54 pozıtsııadan turady. Depýtattardyń usynystaryn qaraý qorytyndysy boıynsha zań jobasynda Qazaqstan Respýblıkasynyń 1 kodeksine jáne 16 zańyna túzetýler engizý kózdelgen», - dedi Berik Ábdiǵalıuly.


Avtor Rýslan Ǵabbasov
Basty sózder: Zań, Din, Til, Parlament,
Joǵary qaraı