Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtattaryn saılaýǵa EQYU baıqaýshylary qatysa ma

2020 jyldyń 2 jeltoqsan 2020 16:18

NUR-SULTAN. QazAqparat - Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary jónindegi bıýrosy QR Parlamenti Májilisi men máslıhattary depýtattaryn saılaýǵa baıqaýshylaryn akkredıtteý týraly ótinish bergen joq. Bul týraly QR Ortalyq saılaý komıssııasynyń múshesi Anastasııa egortsova aıtty, dep habarlaıdy QazAqparat tilshisi.

«Ortalyq saılaý komıssııasy baıqaýshylar ınstıtýtyn ashqanyn bilesizder. Syrtqy ister mınıstrligi arqyly yntymaqtastyq jolǵa qoıylǵan barlyq halyqaralyq uıymǵa, onyń ishinde EQYU-ǵa da usynys jiberilgen bolatyn Búgingi kúni atalǵan uıymnan akkredıtteýge ótinim kelip túsken joq. Degenmen, ýaqyt bar, kútemiz», - dedi ol QR OSK otyrysynan keıin uıymdastyrylǵan baspasóz máslıhaty barysynda.

Aıta keterligi, búgin ol komıssııa otyrysynda 10 sheteldik baıqaýshyny akkredıtteý týraly qaýly jobasyn tanystyrǵan bolatyn.

«2020 jylǵy 25 jáne 26 qarashada Syrtqy ister mınıstrliginiń 10 baıqaýshyny akkredıtteý týraly usynystary kelip tústi. Olardyń barlyǵy akkredıtteýge shyǵarylyp otyr. Usynylǵan tizimde 6 baıqaýshy TMD baıqaýshylary mıssııasynyń quramynda, 4 baıqaýshy Islam Yntymaqtastyq Uıymy mıssııasynan akkredıtteledi», - degen edi A.egortsova.

Jalpy osy ýaqytqa deıin QR OSK Táýelsiz Memleketter Dostastyǵyna qatysýshy memleketterdiń Parlamentaralyq Assambleıasynan 29 baıqaýshyny akkredıttedi.



Joǵary qaraı