Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtattary Reseıdegi Parlament saılaýyna baıqaýshy retinde qatysady

2021 jyldyń 16 qyrkúıek 2021 14:41

NUR-SULTAN. QazAqparat - Májilis depýtattary 17-19 qyrkúıek aralyǵynda ótetin Reseı Federatsııasy Federaldyq Jınalysynyń VIII shaqyrylymy depýtattarynyń saılaýyna baıqaýshy retinde qatysady, dep habarlady QazAqparat Májilistiń baspasóz qyzmetine silteme jasap.

Delegatsııany Májilistiń Zańnama jáne sot-quqyqtyq reforma komıtetiniń tóraǵasy, sondaı-aq, Ujymdyq qaýipsizdik týraly shart uıymy Parlamenttik Assambleıasy jelisi boıynsha halyqaralyq baqylaýshylar tobynyń úılestirýshisi Arman Qojahmetov basqarady. Qazaqstandyq delegatsııanyń quramynda TMD PAA tarapynan Berik Bekjanov, Memlekettik Dýmanyń shaqyrtýy boıynsha Mádı Ahmetov jáne Vera Kım táýelsiz baıqaýshy retinde qatysady.

Májilis depýtattarynyń Máskeý men Máskeý oblysyndaǵy saılaý ýchaskelerine baryp, daýys berý barysyn baqylaýy josparlanǵan. Sonymen qatar, Májilis depýtattary Memlekettik Dýmadaǵy jáne Ortalyq saılaý komıssııasyndaǵy saıası partııa fraktsııalarynyń jetekshilerimen kezdesý ótkizýdi kózdep otyr.

Qazaqstandyq Parlament ókilderi Ujymdyq qaýipsizdik týraly shart uıymy Parlamenttik Assambleıasynyń halyqaralyq baıqaýshylar tobynyń qorytyndy keńesine jáne Qorytyndy qujattardy daıyndaý úshin TMD baıqaýshylar mıssııalaryn úılestirýshiler keńesine qatysýy josparlanǵan.


Basty sózder: Májilis, Saılaý, Reseı,
Joǵary qaraı