Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtattary Bas prokýratýrada komıtetterdiń kóshpeli otyrysyn ótkizdi

2021 jyldyń 18 aqpan 2021 14:41

NUR-SULTAN. QazAqparat - Búgin Májilis depýtattary Bas prokýratýrada komıtetterdiń kóshpeli otyrysy barysynda qabyldanǵan zańdardyń tájirıbıede qalaı qoldanatynyn jáne tsıfrlyq tehnologııalardyń olardyń tıimdiligin arttyrý jolynda qalaı yqpal etetinin baǵalady, dep habarlaıdy QazAqparat.

Májilistiń Halyqaralyq ister, qorǵanys jáne qaýipsizdik komıteti men Zańnama jáne sot-quqyqtyq reforma komıtetiniń depýtattary Bas prokýratýranyń «Ákimshilik óndiristiń biryńǵaı tizilimi», «Tekserý sýbektileri jáne obektileriniń biryńǵaı tizilimi», «Elektrondyq ótinishter» jáne basqa tsıfrlyq jobalary usynyldy.

Іs-shara barysynda Bas prokýrordyń orynbasary M.Ahmetjanov quqyq qorǵaý salasyndaǵy tsıfrlandyrý jaıyn keńinen baıandady.

Jalpy aıtqanda, jobalardy engizý sybaılas jemqorlyq táýekelderin joıýǵa, memlekettik organdar qyzmetiniń ashyqtyǵyn, jedeldigin, sondaı-aq memlekettik baqylaý men qadaǵalaýdyń sapasyn arttyrýǵa baǵyttalǵan.




Atap aıtqanda, «Tekserý sýbektileri jáne obektileriniń biryńǵaı tizilimi» júıesin 60-tan astam memlekettik organdar paıdalanady. Júıe kásipkerlerdi baqylaýshylar tarapynan negizsiz qysymnan qorǵaýdyń negizgi quraldarynyń biri bolyp sanalady.

Dál osy arqyly kásipkerler tekserýshilerdiń áreketteriniń zańdylyǵyn tekserýge múmkindik alady.

Usynylǵan jobalardy baǵalaı otyryp, Májilis depýtattary azamattardyń, sondaı-aq bıznes sýbektileriniń quqyqtary men zańdy múddelerin qorǵaý úshin olardyń mańyzdylyǵyn atap ótti.




- Biz úshin sapaly zańdardy ázirleý men qabyldaý ǵana asa mańyzdy emes. Biz úshin qabyldanǵan zańdardyń qalaı jumys isteıtini jáne tıimdiligi mańyzdy. Sonymen qatar azamattardy qorǵaý, memlekettik organdardyń kelip túsetin ótinishterin sapaly qaraý, kásipkerlikti damytý máseleleri árdaıym Májilis depýtattarynyń baqylaýynda. Memleket Basshysy buǵan zor kóńil bólip, aldymyzǵa tıisti zańnamalyq mindetterdi júktedi. Osy baǵytta birqatar zańdar qabyldanyp, Májilis depýtattary búginde zańnamany jetildirý jumystaryn jalǵastyrýda, - dedi Májilis tóraǵasynyń orynbasary Pavel Kazantsev.





Joǵary qaraı