Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis bıýdjet protsesin jetildirýge arnalǵan túzetýlerdi maquldady

2021 jyldyń 24 qarasha 2021 12:05

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Bıýdjet saıasatynyń jáne bıýdjet qarajatyn josparlaý men paıdalaný protsesiniń tıimdiligin arttyrý maqsatynda zań jobasynda bıýdjet shyǵystarynyń qaıtarymdylyǵyn arttyrýǵa baǵyttalǵan bıýdjet protsesin jetildirý kózdeledi.

Májilistiń Qarjy jáne bıýdjet komıtetiniń málimetinshe, zań jobasy bıýdjet zańnamasyna engiziletin ózgerister men tolyqtyrýlardy qamtıdy, sonyń ishinde bıýdjettik baǵdarlamalar ákimshileriniń lımıtterin aıqyndaý tásilderin ózgertý, memlekettik organdardyń bıýdjettik ótinim quramynda bıýdjettik sýbsıdııalar men bıýdjettik ınvestıtsııalarǵa málimdelgen shyǵystardyń ekonomıkalyq qaıtarymdylyǵyna baǵalaý júrgizýi, bıýdjettiń atqarylýyn jetildirý jónindegi normalardy qarastyratyn bıýdjettik baǵdarlamalardy iske asyrý jónindegi taldamalyq eseptiń qurylymyn ózgertý kózdeledi.

Zań jobasyn jumys tobynyń otyrystarynda qarastyrý barysynda jekelegen normalardy jetildirý maqsatynda:

- oblystyq bıýdjetke 50 paıyzdan aspaıtyn jáne aýdandyq (oblystyq mańyzy bar qalalyq) bıýdjetke 50 paıyzdan kem emes mólsherde korporatıvtik tabys salyǵynan túsetin túsimderdi bólý normatıvin belgileý boıynsha;

- qaryz shartynda belgilengen merzimde qaryz qarajatynyń ıgerilmeýine jaýapty laýazymdy adamnyń (birinshi basshynyń) ataýyn naqtylaý boıynsha;

- Salyq kodeksine ózgerister men tolyqtyrýlar engizýge baılanysty jekelegen zańdarǵa;

- Ulttyq qordan kepildik berilgen transfert mólsherin josparlaýdyń kontrtsıkldyq bıýdjettik qaǵıdalaryn qoldanysqa engizý merzimin naqtylaý boıynsha túzetýler usynyldy.

Memleket basshysynyń ekinshi deńgeıdegi bankterdiń kepildik saıasatyn jetildirý, baǵalaý qyzmetin jáne atqarýshylyq is júrgizýdi retteý boıynsha zańnamalyq túzetýler ázirleý týraly tapsyrmasyn oryndaý maqsatynda osy zań jobasy aıasynda azamattardyń quqyqtaryn qorǵaýǵa baǵyttalǵan túzetýler engizildi jáne onda:

- jeke tulǵanyń turǵyn úımen qamtamasyz etilgen ıpotekalyq qaryzdar boıynsha merzimi ótken mindettemeni kepilge salynǵan múliktiń bolmashy jáne mólsherles emes qunyna jatqyzý úshin oryndalmaǵan mindetteme somasyn 10%-dan 15%-ǵa deıin jáne merzimdi ótkizip alý kezeńin 3 aıdan 6 aıǵa deıin arttyrý kózdeledi, bul múlikke óndirip alýdy qoldanýdan bas tartý úshin negiz bolady;

- kepil berýshiniń kepilge salynǵan múlikti sottan tys, sondaı-aq sot arqyly ótkizý kezinde óz betinshe ótkizý rásiminiń mindettiligin belgileý;

- taraptardyń kelisimi boıynsha ıpotekany sottan tys tártippen ótkizý kezinde senim bildirilgen adamdy aıqyndaý (qazirgi ýaqytta kepil ustaýshy aıqyndaıdy);

- ıpotekalyq turǵyn úı qaryzy sharty boıynsha kepilge berilgen jyljymaıtyn múlik sot tártibimen satylǵan jaǵdaıda, boryshker-jeke tulǵada eń tómengi jalaqynyń 2 eselengen mólsherinen (qazirgi ýaqytta – 1 ETJ) asatyn óndirip alý qoldanylýy múmkin ózge múlik nemese tabystar bolmaǵan kezde ıpotekany toqtatý;

- saýda-sattyqta satý baǵasyn tómendetý shegin bastapqy baǵalaý qunynyń 75 paıyzynan tómen emes mólsherde belgileý;

- josyqsyz baǵalaýshylar tizilimin endirý jáne olardyń biliktiligine qoıylatyn talaptardy kúsheıtý kózdeledi.


Avtor Rýslan Ǵabbasov
Basty sózder: Zań, Parlament, Bıýdjet,
Joǵary qaraı