Aýa raıy
Astana 12 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

Mavrıkııde munaı tógilýine baılanysty tótenshe jaǵdaı engizildi

2020 jyldyń 8 tamyz 2020 14:29

TOKIO. Kyodo-QazAqparat – Mavrıkıı úkimeti Nagashiki Shipping Co japon kompanııasyna tıesili júk kemesinen munaı ónimderiniń jappaı tógilýine qatysty ekologııalyq tótenshe jaǵdaı rejımin engizdi. Bul týraly QazAqparat Kyodo agenttigine silteme jasap habarlaıdy.

Munaı ónimderiniń tógilýi araldyq memlekettiń jaǵalaýyndaǵy marjan rıfterine qaýip tóndiredi. Apattyń aýqymy áli tolyq baǵalanbaǵan, biraq jer serigi arqyly túsirilgen sýretterde jaǵalaý aımaǵyna tógilgen úlken munaı daqtary baıqalady. Mavrıkıı BUU-ǵa ekologııalyq apattyń saldaryn joıýǵa jedel kómek kórsetý týraly ótinish bildirdi.

Nagashiki Shipping Co. Ltd. málimdemesinde Wakashio kemesi 26 shildede araldyń shyǵys bóligindegi týrıster arasynda tanymal Blue Bay jaǵajaıynyń janynda qaırańda qaıyrlap qalǵan. Artynsha munaı ónimderi tógilgen tesik paıda bolǵany habarlandy. Panama jalaýyn kótergen keme Sıngapýrge soǵyp, Qytaıdan Brazılııaǵa baǵyt alǵan. Onyń bortynda 4 myń tonnaǵa jýyq munaı ónimderi bolǵan. Muhıt sýlaryna qansha otyn tógilgeni ázirge belgisiz.


Basty sózder: Álem, Oqıǵa,
Joǵary qaraı