Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaev: Ǵylymı kózqaras qalyptastyratyn salalyq jýrnalıstıkany damytý kerek

2021 jyldyń 21 qyrkúıek 2021 20:17

NUR-SULTAN. QazAqparat - Álemge ǵylymı kózqaras qalyptastyratyn salalyq jýrnalıstıkany damytý kerek. Bul pikirdi búgin Jas sarapshylar klýbynyń kezekti otyrysynda QR Parlamenti Senatynyń tóraǵasy Máýlen Áshimbaev málim etti, dep habarlaıdy QazAqparat.

Klýb otyrysynda talqylanǵan mańyzdy máselelerdiń biri medıa salasyna qatysty boldy. Máýlen Áshimbaev pandemııa kezeńinde medıakommýnıkatsııanyń erekshe ról atqarǵanyn tilge tıek etti.

«Pandemııa kezeńinde naqty málimetter men tekserilgen aqparattardyń tapshylyǵy baıqaldy. Sondyqtan adamdar aqparat kózderine muqııat mán berip, bedeldi medıalarǵa ǵana basymdyq berdi. Budan sapaly jańalyqtar taratatyn jýrnalıstıka paıda kórdi. Nátıjesinde, álemniń jetekshi aqparat quraldarynyń oqyrmandary kóbeıip qana qoımaı, olardyń aqyly jazylymdary da arta túsken», – dedi Palata tóraǵasy.

Sonymen qatar Máýlen Áshimbaev mundaı úrdistiń keri áseri de baıqalǵanyn atap ótti. Belgisizdik pen resmı aqparat kózderine degen senimsizdik feık-nıýsterdiń jáne ártúrli konspırologııalyq teorııalardyń kóbeıýine ákelip soqtyrǵan.

«Qazirgideı aqparattar aǵynynda adasyp qalmaý úshin adamǵa aq pen qarany ajyratatyn arnaıy bilim kerek. Bul rette jańa zaman adamy úshin medıasaýattylyqtyń mańyzy zor ekeni sózsiz. Menińshe, osy trendti eskerip, Qazaqstanda álemge ǵylymı kózqaras qalyptastyratyn salalyq jýrnalıstıkany damytýǵa jáne ǵylymdy dáripteıtin qoǵamdyq pikirdiń kóshbasshylaryn daıyndaýǵa kóńil bólgen jón. Bul medıa salasynyń sapasyn arttyrýǵa múmkindik beredi», – dedi Máýlen Áshimbaev.


Basty sózder: Parlament, Senat, BAQ,
Joǵary qaraı