Aýa raıy
Astana -7 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaev aýrýhanada jatqan Ábdijámil Nurpeıisovtiń kóńilin surap bardy

2020 jyldyń 24 qazan 2020 12:31

NUR-SULTAN. QazAqparat - QR Parlamenti Senatynyń tóraǵasy Máýlen Áshimbaev halyq jazýshysy Ábdijámil Nurpeıisovtiń hal-jaǵdaıyn bilý úshin aýrýhanaǵa bardy, dep habarlaıdy QazAqparat tilshisi.

«Keshe Qazaqstannyń halyq jazýshysy Ábdijámil Nurpeıisov aǵamyz jatqan aýrýhanaǵa arnaıy baryp, qalamgerdiń kóńilin surap shyqtym. Halin bilip, qasynda biraz áńgimelesip otyrdym. Ábekeńniń densaýlyǵy jaman emes. Degenmen, sońǵy kezde bolǵan qaıǵyly jaǵdaı aǵamyzǵa aýyr tıgeni anyq. Ajar apamyzdyń jatqan jeri jaryq, topyraǵy torqa bolsyn. Osydan birneshe kún buryn aǵamyz 96 jasqa toldy. Jalpy, Ábdijámil aǵa maǵan qajyr-qaırat pen erik-jigerdiń sımvolyndaı kórinedi. HH ǵasyrda halqymyzdyń basynan nebir qıyndyqtar ótti. Sonyń bári Ábekeńe de az zardabyn tıgizgen joq», - dep jazdy ol Facebook-paraqshasynda.

Máýlen Áshimbaev halyq jazýshysynyń soǵys jyldarynda qan maıdannyń qaq ortasynda júrgenin, odan keıingi qıyndyqtardy da kórgenin atap ótedi.





«Qaısarlyq pen qajyrlyqtyń ozyq úlgisin kórsetip, ádebıetke aıanbaı eńbek etti. Mádenıetimiz ben rýhanııatymyzǵa ólsheýsiz úles qosty. Qazaq ádebıetiniń naǵyz klassıgine aınaldy. Keıde Ábdijámil aǵaǵa qarap, halqymyzdyń ótken ǵasyrdaǵy shejiresin kórgendeı bolamyn. Shyn máninde, Ábekeńniń ózi de, sózi de, jazǵan dúnıesi de tarıh. Sońyna mol mura qaldyryp, ǵasyrmen, ýaqytpen óz esebin tapqan, qazaq ádebıetiniń alyby ári abyzy bolǵan Ábekeńe myqty densaýlyq, amandyq tileımiz. Jasaı berińiz, ardaqty Ábe!», - dedi Senat spıkeri.

Qazaqstannyń halyq jazýshysy Nurpeıisov Ábdijámil Kárimuly 1924 jyldyń 22 qazanynda Qyzylorda oblysynda dúnıege kelgen. 1942 jyly orta mektepti bitirgennen keıin áskerge shaqyrylyp, Ekinshi dúnıejúzilik soǵysqa qatysqan. Jazýshy 1946 jyly armııa qatarynda júrip-aq «Kýrlıandııa» romanyn jazýǵa kirisken. Eńbegin bitirip baspaǵa bergen soń, bir jyl Qazaq memlekettik ýnıversıtetinde oqyǵan. 1954 jyly Máskeýdegi M.Gorkıı atyndaǵy Ádebıet ınstıtýtyna túsip, ony 1956 jyly bitirdi. Tyrnaqaldy kitaby úshin Jambyl atyndaǵy respýblıkalyq syılyqtyń ıegeri atandy.

XX ǵasyr qazaq ádebıetine mol úles qosqan sýretkerlerdiń biri – Ábdijámil Nurpeıisovtiń «Qan men ter» trılogııasy, basqa da shyǵarmalary otyz shaqty shetel tiline aýdarylyp, ulttyq ádebıetimizdi dúnıejúzine tanytyp, álem ádebıetshileri qasqa-jaısańdarynyń úzdik baǵasyna ıe boldy.

«Qan men ter» trılogııasy orys, frantsýz, ıspan, cheh, rýmyn jáne túrik tilderine aýdarylǵan. Tańdamaly ádebı-syn maqalalary «Tolǵaý» (keıinnen «Júregi toly jyr edi») degen atpen qazaq jáne orys tilderinde jeke kitap bolyp shyqqan. 1985 jyly «Aqbıdaı týraly ańyz» atty ocherkter jınaǵy jaryq kórgen. A.Chehovtyń, M.Gorkııdiń, Nazym Hıkmettiń, ıspan jazýshysy A.Kesonyń shyǵarmalaryn qazaq tiline aýdarǵan.

«Eńbek Qyzyl Tý», «Qurmet belgisi», Qazaqstan memleketiniń «Otan» ordenimen marapattalǵan. 2019 jyldyń qazanynda QR Prezıdentiniń Jarlyǵymen qalamgerge ulttyq ádebıetti damytýdaǵy aıryqsha eńbegi úshin joǵary dárejeli erekshelik belgisi – «Qazaqstannyń Eńbek Eri» ataǵy berildi.








Avtor Marlan Jıembaı
Basty sózder: Parlament, Senat, Ádebıet, Qoǵam,
Joǵary qaraı