Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Máskeýdiń arhıvinen qazaq handary jazǵan hattar tabyldy

2022 jyldyń 19 mamyr 2022 15:47

NUR-SULTAN. QazAqparat - Reseıdiń Syrtqy saıasat arhıvinde XVII-XIX ǵasyrlarda jazylǵan qazaq handarynyń hattary saqtalǵan, dep habarlaıdy QazAqparat.

Bul týraly Qoljazbalar jáne sırek kitaptar ulttyq ortalyǵynyń dırektory J.Boldykov bastaǵan top Arhıv isteri jáne qujattamany basqarý komıtetiniń qoldaýymen Reseıdiń Máskeý qalasyna saparynda belgili boldy. «Arhıv-2025» josparyn iske asyrý maqsatyndaǵy issaparda mamandar ondaǵy arhıvter men kitaphanalardaǵy Qazaqstan tarıhyna qatysty qundy derekterdi elge ákeledi.

Qazirgi tańda ortalyq dırektory, PhD doktor J.Boldykov pen ǵylymı qyzmetkerler K.Parımbekova, G.Bısenova, Z.Dúkenbaeva, G.Ótepova, N.Abeldınovter saqtalǵan mańyzdy qujattardy zerttep-zerdeleýde.




«Zertteýshiler elimizdiń tarıhyna qatysty jazba muralar men qundy qujattar tapqan. Atap aıtqanda, Reseı memlekettik kitaphanasynan el tarıhyna qatysty 47 myńǵa jýyq ádebıet, Reseı memlekettik tarıhı-kópshilik kitaphanasynan HVII ǵasyrǵa tıesili lıtografııalyq kitaptar men sırek jazba muralar anyqtaldy. 4 ǵasyrlyq tarıhy bar Reseı memlekettik áskerı-tarıhı arhıviniń qoryn zertteý barysynda jer máselesine qatysty qujattar, kartalar men buıryqtar belgili boldy. Al Syrtqy saıasat arhıvinde XVII-XIX ǵasyrda jazylǵan qazaq handarynyń hattary saqtalǵan», - delingen vedomstvo habarlamasynda.























Joǵary qaraı