Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Máskeýde Qazaqstan táýelsizdiginiń 30 jyldyǵyna arnalǵan fotokórme ótip jatyr

2021 jyldyń 5 mamyr 2021 17:33

MÁSKEÝ. QazAqparat – Máskeýde Chıstoprýdnyı jelek jolynda Qazaqstan táýelsizdiginiń 30 jyldyǵy men Jeńis kúnine arnalǵan fotokórme ashyldy, dep habarlaıdy QazAqparattyń menshikti tilshisi.

Ashylý saltanatyna Qazaqstannyń Reseıdegi Elshisi Ermek Kósherbaev pen Basmannyı aýdany basqarmasynyń basshysy Irına Lesnyh qatysty.

Elshiniń aıtýynsha, kórme Uly Otan soǵysyndaǵy jeńistiń kezekti mereıtoıyna oraılastyrylyp, Qazaqstan Respýblıkasy táýelsizdiginiń 30 jyldyǵyna arnalǵan.

Kósherbaev Qazaqstannyń maıdanǵa 1 mln 200 myń adam jiberilip, onyń ishinde 600 myń azamattyń qaıta oralmaǵanyn eske saldy. Sonymen qatar respýblıka maıdanǵa qarý-jaraqtar, oq-dáriler, azyq-túlik jáne kıim-keshek jiberip otyrǵan.




Kórmege Nursultan Nazarbaev qory, QR Qarýly kúshteri Ulttyq áskerı-patrıottyq ortalyǵynyń Áskerı-tarıhı murajaıy, QR Aqparat jáne qoǵamdyq damý mınıstrligi men «Kazakh Tourism» UK» AQ muraǵattarynan 16 ekijaqty stend usynylǵan.

Máskeý turǵyndary men reseılik astana qonaqtary Qazaqstannyń táýelsizdik jyldary jetken jetistikteri men Uly Otan soǵysynda jeńiske jetýge qosqan úlesimen tanysa alady.

Kórmeni Nursultan Nazarbaev qorynyń qoldaýymen jáne Máskeý qalasy bıliginiń kómegimen Reseıdegi Qazaqstan Elshiligi uıymdastyryp otyr.

Qoıylym 16 mamyrǵa deıin sozylady.





Joǵary qaraı