Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Máskeý ortalyǵynda 4 myńdaı adam sherýge shyqty

2021 jyldyń 23 qańtar 2021 22:20

MÁSKEÝ. TASS–QazAqparat — Reseı astanasy Máskeý qalasynyń ortalyǵyndaǵy Pýshkın alańyna 4 myńdaı adam sanktsııalanbaǵan mıtıngige shyqty. Bul týraly TASS agenttigi RF ІІM Máskeý boıynsha Bas basqarmasynyń baspasóz qyzmetine silteme jasap habarlady.

«Pýshkın alańyna 4 myńdaı adam sanktsııalanbaǵan mıtıngige shyqty» dep málimdegen polıtsııadan.

Polıtsııa qazirgi sátte bul alańdy tolyqtaı qorshaýǵa alǵan. Mıtıngige shyqqan adamdar ara-arasynda polıtsııamen qaqtyǵysyp qalyp jatyr. Osy sátke deıin úsh márte eki tarap arasynda arpalys bolyp úlgergen.

Máskeýdiń kólik departamentiniń málimetinshe, sherýshiler qala ortalyǵyndaǵy Strastnoı býlvarda jol boıyna shyǵyp ketken. Osy sebepti avtobýstar qozǵalysy bógelip qalǵan.

Kólik qozǵalysy Strastnoı býlvarda, Úlken Pýtınkovskıı, Úlken Dmıtrovka, Kamergers jáne Nastasınsk shaǵyn kóshesinde toqtaǵan. Tver kóshesi tolyqtaı jabylǵan.

Sherýshilerdiń bir bóligi Pýshkın alańynan ketip, Kreml jaqqa bet alǵan. Sodan soń olar Úlken Dmıtrovkaǵa shyǵyp, qozǵalysty bógep, jol boıymen júrip ótken. Osylaısha Strastnoı býlvarǵa jetken. Ol jerdi polıtsııa qorshaýǵa aldy.

Mıtıng qatysýshylary tártip saqshylary sap túzep, qurǵan shepti jaryp ótti. Polıtseıler óte belsendi sherýshilerdi ustaý úshin arnaıy quraldar qoldanǵan.


Perevod Erbol Janat
Basty sózder: Oqıǵa, Reseı,
Joǵary qaraı