Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mashına jasaý salasynda eń kóp jalaqyny kimder alady

2021 jyldyń 26 qarasha 2021 13:11

NUR-SULTAN. QazAqparat – Osy jyldyń úshinshi toqsanynda mashına jasaý salasynda elektr jabdyǵyn óndiretin jumysshylar sany bir jylda 2,1%-ǵa, ıaǵnı 7,1 myń adamǵa qysqarǵan. Avtomobıl, tirkeme jáne jartylaı tirkeme óndiretin jumysshylar sany kerisinshe bir jylda 5,6%-ǵa, 3,9 myń adamǵa deıin artqan. Kompıýter, elektrondyq jáne optıkalyq jabdyq óndirisimen 530 adam aınalysady – bul bir jyl burynǵy kórsetkishten 6%-ǵa kóp, dep habarlaıdy QazAqparat energyprom.kz saıtyna silteme jasap.

Mashına jasaý salasyndaǵy eń kóp ataýly jalaqyny kólik quraldaryn óndiretin jumysshylar alady: 293,9 myń teńge – bir jyl burynǵy kórsetkishten 24,5%-ǵa kóp.

Kompıýter, elektrondyq jáne optıkalyq jabdyqtar óndirisindegi jumysshylar 274,4 myń teńge, elektr jabdyqtary — 229,1 myń teńge, avtomobılder, tirkemeler jáne jartylaı tirkemeler — 249,7 myń teńge alady.
Sarapshylar qurastyrǵan QR jańa kásipter atlasyna sáıkes, 2020 jyly mashına jasaý salasynda 3D-baspa materıaltanýshy sııaqty jańa mamandyq paıda bolýy tıis edi. Alaıda, HeadHunter.kz sııaqty portaldarda ondaı mamandyq kezdesken joq.
2025 jylǵa qaraı sektorda teorııalyq turǵydan BIG DATA (ónerkásiptik) taldaýshylary, kıberqaýipsizdik mamandary (ónerkásiptik), keri jobalaý ınjener-konstrýktorlary (revers-ınjenerler), boljamdy dıagnostıka mamandary paıda bolýy tıis.
2030 jylǵa qaraı ónerkásiptik robototehnıka ınjener-konstrýktorlary men vırtýaldy prototıpteý mamandary paıda bolady dep kútilýde. 2030-2035 jyldary radıofotonıkalyq qurylǵylardy jobalaýshy ınjenerler men nanofotonıka jáne metamaterıal mamandary ashylady dep boljanýda.
Sarapshylardyń pikirinshe, taǵy 13 mamandyq ózgerýi tıis.
2025 jyly slesarlar men jóndeýshilerdiń ornyna modýldik jóndeý operatorlary, sapany baqylaý tehnıkteriniń ornyna — 2.0 sapany baqylaý tehnıkasy, dánekerleýshilerdiń ornyna — dánekerleý jabdyqtarynyń operatorlary almastyrýy tıis.
Sonymen qatar, 2025 jyly atlas sarapshylarynyń boljamy boıynsha, shot júrgizýshi jáne esepshi kómekshisi sııaqty mamandyq joǵalady. Mashına jasaýda býhgalterler kómekshilersiz jumys isteýge májbúr bolady.


Basty sózder: jalaqy, Ónerkásip,
Joǵary qaraı