Aýa raıy
Astana -6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Marat Shıbutov: Bári josparǵa saı kele jatyr – aldaǵy saılaýdyń oń aspektisi de osy

2020 jyldyń 21 qazan 2020 11:28

NUR-SULTAN. QazAqparat – Bári josparǵa saı kele jatyr – aldaǵy saılaýdyń oń aspektisi de osy. Prezıdenttiń Májilis jáne máslıhat depýtattarynyń saılaýy týraly úndeýine qatysty Ulttyq qoǵamdyq senim keńesiniń múshesi Marat Shıbutov osylaı dep pikir bildirdi, dep habarlaıdy QazAqparat tilshisi.

«Bári josparǵa saı kele jatyr. Buryn jarııalanǵanyndaı, saılaý konstıtýtsııalyq merzimde ótedi. Aldaǵy saılaý barysynda júzege asyrylatyn jańashyldyqtar keń aýqymda talqylanǵan edi. Ony qoǵam tarapy ta oń sıpatta qabyldady. Bári de elektorat kútkendeı ótýi tıis. 80 kúndeı qalǵan saılaýdyń eń basty ári oń aspektisi de osy», - dedi Marat Shıbutov QazAqparat tilshisine telefon arqyly bildirgen pikirinde sarapshy .

Saıasattanýshynyń aıtýynsha aldaǵy saılaý arqyly oppozıtsııalyq partııalar eldegi qoǵamdyq-saıası jáne ekonomıkalyq protsesterge kóbirek atsalysý múmkindigine ıe bolady. Buryn oppozıtsııada birde-bir parlamenttik laýazym bolmasa, aldaǵy jyldary Parlament Májilisiniń komıtetteriniń bir tóraǵasy men eki hatshysy parlamenttik oppozıtsııa qatarynan bolýy kerek. Bul degenińiz oppozıtsııalyq fraktsııalardyń oıy salmaqty bolmaq.

Sonymen qatar Marat Shıbutov Parlament pen Máslıhat depýtattarynyń 30 paıyzy – jastar men áıelder bolýy kerektigine qatysty oń pikir bildirdi.

«Qazaqstan halqynyń 20 paıyzy – jastar. Erler men áıelder dep bólsek, áıelderdiń úlesi – 52 paıyz. Qazirgi Máslıhatta jastardyń sany 2 paıyzdy, áıelderdiń úlesi 13 paıyzdy quraıdy. ıAǵnı osy atalǵan sanattaǵy azamattar Parlamentte jetkilikti deńgeıde otyrǵan joq», - dedi ol.

Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.



Avtor Aıan Bekenuly
Basty sózder: Parlament, Saılaý,
Joǵary qaraı