Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Marat Ahmetjanov: Adamdar para berýge májbúr

2021 jyldyń 9 shilde 2021 11:09

NUR-SULTAN. QazAqparat – Sybaılas jemqorlyqqa qarsy is qımyl agenttiginiń tóraǵasy Marat Ahmetjanov osy baǵytta atqarylǵan jumystarǵa qaramastan qarapaıym adamdarǵa óz máselesin para berý arqyly sheshý yńǵaıly bolyp turǵanyn aıtty, dep habarlaıdy QazAqparat.

Bul týraly ol vedomstvonyń birinshi jartyjyldyqtaǵy jumys qorytyndysy boıynsha ótken alqa otyrysynda málim etti.

Vedomstvo basshysy barlyq sybaılas jemqorlyq qylmystarynyń úshten biri para berýmen qatysty ekenin eske saldy.

«Halyqqa para berip, óz máselesin tez ári jeńil sheshken yńǵaıly. Adamdar zańsyz artyqshylyq nemese paıda alý, bıýrokratııalyq kedergilerdi aınalyp ótý úshin para berýge májbúr. Bul ishinara azamattardyń mentalıtetine baılanysty. Keıbir adamdar úshin máseleni paramen sheshý ómir súrý normasyna aınalǵan. Ókinishke qaraı, «qol aqysyn berý», «syı-sııapat berý» sekildi jaǵymsyz ádetter halyqtyń boıyna sińip ketken», - degen agenttik basshysy para berýshilerdiń óz áreketi úshin jaýapkershilik bar ekenin eskere bermeıtinin atady.

«Adamdar sheneýnikterdiń para alýyna sanaly túrde barady... Tsıfrlandyrý, quqyqtyq quraldar men bıýrokratııalyq kedergilerdi joıý, jumysty ashyq jáne aıqyn etý jemqorlyqty joıýǵa yqpal etedi. Sonda ǵana halyq agenttikke júginip, kómek suraıdy», - dedi Marat Ahmetjanov.

Joǵary qaraı