Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýlyqtar arystyq sharýalarǵa alǵys aıtty

2021 jyldyń 23 shilde 2021 17:47

MAŃǴYSTAÝ. QazAqparat - Túrkistan oblysy Arys qalasynan Mańǵystaý oblysyna 3 myń baý, ıaǵnı, 3 vagon shóp jiberildi. Tıisti mal azyǵy Mańǵystaý oblysynyń Jańaózen qalasynyń Qyzylsaı aýyldyq okrýgine jáne Qaraqııa aýdanynyń Senek, Bostan, Qulandy aýyldyq okrýgterine qarasty sharýashylyqtarǵa úlestirilip berildi, dep habarlaıdy QazAqparat tilshisi.

Batystyq sharýalar óz kezeginde Arys qalasy ákimdigi men sharýalarǵa, belsendi azamattarǵa rızashylyqtaryn bildirdi. Tıisti sharaǵa belsene qatysqan Arys qalasy Qojatoǵaı aýyldyq okrýgine qarasty Syrdarııa aýylynyń bir top turǵyndaryna alǵystaryn jaýdyrdy.

Aıta keteıik, bıylǵy qýańshylyq mańǵystaýlyq sharýalarǵa qıyn soǵyp turǵany belgili. Qıyndyqty eńserý maqsatynda Túrkistan oblysynda «BATYSQA KÓMEK» sharasy qolǵa alynǵan bolatyn.




Aımaq basshysynyń atsalysýymen «Qazaqstan temir joly» ulttyq kompanııasy» AQ kelisim jasalyp, logıstıka máselesi sheshildi. Atalǵan sharaǵa Arys qalasynyń ákimi G.Qurmanbekovanyń uıymdastyrýymen arystyq sharýalar men belsendi azamattar kómek qolyn sozdy.

Shópti jınaýǵa jáne artýǵa qalanyń eriktileri, belsendi azamattary kómek kórsetken edi.











Joǵary qaraı