Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaýlyq sharýalarǵa 5 000 tonna bıdaı kebegi arzan baǵamen jetkiziledi - mınıstr

2022 jyldyń 14 mamyr 2022 01:56

MAŃǴYSTAÝ. QazAqparat - Mańǵystaý oblysynyń mal sharýashylyǵy kásiporyndaryna Azyq-túlik korporatsııasy arqyly arzandatylǵan baǵamen 5 000 tonnaǵa deıin bıdaı kebegi jetkiziledi. Bul týraly Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat.

Vedomstvo basshysy astyq qoryn qalyptastyrý úshin 200 myń tonna forvardtyq satyp alýǵa 20 mlrd teńge bólinetinin de málimdedi. Byltyrǵy qurǵaqshylyq qaıtalanǵan jaǵdaıda ol mal men qustyń saqtalýyn qamtamasyz etedi.

«Bıylǵy mamyr-maýsym aılarynda Azyq-túlik korporatsııasy arqyly arzandatylǵan baǵamen 5 000 tonnaǵa deıin bıdaı kebegi jetkiziledi», - dedi Erbol Qarashókeev.

Al Mańǵystaý oblysynyń ákimdigi 2022 jylǵa asyl tuqymdy mal sharýashylyǵynyń ónimdiligin jáne ónim sapasyn arttyrýdy sýbsıdııalaýǵa jergilikti bıýdjetten 579,7 mln teńge bóldi. Onyń ishinde aýyl sharýashylyǵy janýarlarynyń urǵashy mal basy azyǵynyń qunyn arzandatýǵa 384 mln teńge qarastyrylyp otyr.

Sondaı-aq, munaı kompanııalarynyń qoldaýymen jemshóp baǵasy 1 qap kebek úshin 1900-2100 teńgeden 3 200 tonna kóleminde 1500 teńgege deıin tómendedi.

Azyq-túlik korporatsııasynyń rezervinen bosatylǵan azyqtardy satý baǵasy tonnasyna 50 myń teńgeni qurady, buryn osy jeli boıynsha 220 tonna kebek satylǵan. Tasymaldaý jáne ózge de shyǵyndar Mańǵystaýda tonnasyna 65-70 myń teńgeni quraıdy.

Joǵary qaraı