Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýdaǵy jol apatynan 5 adam qaza tapty

2021 jyldyń 16 qyrkúıek 2021 16:42

AQTAÝ. QazAqparat - Mańǵystaýdaǵy jol apatynan 5 adam qaza tapty, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmetiniń málimetinshe, apat saldarynan bes adam mert bolǵan. Onyń ishinde júkti áıel de bar.

«16 qyrkúıekte saǵat 01.48-de Lexus LX 470 avtokóligi aýdarylyp ketti. Kólik júrgizýshisi 27 jastaǵy qyz qaza tapty. Ekinshi kóz jumǵan áıel - 1966 jyly týǵan. Úshinshi mert bolǵan áıel - 31 jastaǵy kelinshek, Jańaózen qalasynyń turǵyny. Ol júktiliktiń 27-shi aptasynda bolǵan. Qalǵan eki jolaýshy 1964 jáne 1967 jyldary týǵan er adamdar. Jol-kólik oqıǵasy saldarynan barlyǵy toǵyz adam zardap shekti», - delingen habarlamada.

Sondaı-aq, 2011, 2012 jáne 2019 jyldary týǵan úsh bala Jetibaı aýdandyq aýrýhanasyna jetkizildi.

Zardap shekkenderge mıdyń jabyq jaraqaty, mańdaı men shyntaq býynynyń jaraqattanýy, radıýstyń jabyq synýy, travmatıkalyq shok dıagnozy qoıylǵan. Dárigerler eki balanyń jaǵdaıyn aýyr, al úshinshisiniń jaǵdaıyn ortasha aýyr dep baǵalap otyr. Densaýlyq saqtaý basqarmasynyń habarlaýynsha, búgin sanıtarlyq kóliktiń kómegimen úsh bala oblystyq balalar aýrýhanasyna aýystyrylady dep josparlanǵan.

«2013 jyly týǵan taǵy bir kámeletke tolmaǵan balany túnde jedel járdem kóligin kútpeı, ilespe mashınamen Mańǵystaý oblystyq kópbeıindi balalar aýrýhanasyna jetkizdi. Qazirgi ýaqytta bala jansaqtaý bóliminde jatyr. Onyń jaǵdaıy óte aýyr. Mıdyń gemorragııalyq kontýzııasyn, ІІ dárejeli mı komasyn, ІІ dárejeli travmatıkalyq shok aldy. ÓJJ apparatyna qosylǵan»,-delingen baspasóz habarlamasynda.


Joǵary qaraı