Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýdaǵy meıramhanada 300 adamǵa arnap toı jasaǵan kásipker jazalandy

2021 jyldyń 1 tamyz 2021 14:20

AQTAÝ. QazAqparat - Mańǵystaýdaǵy Munaıly aýdanynda ornalasqan meıramhanada 300 adamǵa arnalǵan toı toqtatyldy, dep habarlaıdy QazAqparat tilshisi.

Toı uıymdastyrýshylary monıtorıng tobynyń múshelerine «kelisýdi» usynǵan. Munaıly aýdany ákimdiginiń habarlaýynsha, óńirdegi meıramhanalardyń 85% osy aýdanda ornalasqan. Búginde saltanatty merekeler ótkizýge arnalǵan 46 meıramhana bar. Máselen keshe monıtorıngtik top músheleri «Baiterek» meıramhanasynda toı toılap jatqan qonaqtardy úılerine qaıtardy. 300 adamǵa arnalǵan úılený toıy eken.

«Monıtorıng tobynyń jumysy barysynda ózin quzyretti organdardyń qyzmetkeri retinde tanystyrǵan belgili bir azamat jaǵdaıdy sheship, top múshelerimen «keliskisi» keldi. Muny isteý múmkin bolmady. Meıramhana ıesine ákimshilik quqyq buzýshylyq týraly hattama toltyryldy. Materıal Munaıly aýdanynyń sanıtarlyq-epıdemıologııalyq qadaǵalaý basqarmasyna jiberildi», - dedi baspasóz qyzmeti.


Joǵary qaraı