Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda jyl basynan karantındi buzǵan azamattarǵa 26 mln  teńgege jýyq aıyppul salyndy

2021 jyldyń 15 qyrkúıek 2021 19:26

AQTAÝ. QazAqparat - Mańǵystaýda jyl basynan beri karantın talaptaryn buzǵan azamattarǵa 26 mln teńgege jýyq aıyppul salyndy, dep habarlaıdy QazAqparat tilshisi.

Bul týraly qoǵamdyq kommýnıkatsııa ortalyǵynda ótken brıfıngide oblystyq sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.

«Oblystaǵy monıtorıng toptarymen 2021 jyldyń 1 qańtarynan bıylǵy 13 qyrkúıek aralyǵynda 2998 reıd júrgizilip, 16405 nysan qamtyldy. Reıd barysynda 112 nysanda karantın talaptaryn buzǵan derekter anyqtalyp, 112 ákimshilik hattama toltyryldy. Jalpy salynǵan aıyppul somasy 25 888 375 teńge»,- dedi Ǵazız Nadýev.

Sonymen qatar, 7 qyrkúıektegi qaýlyǵa sáıkes júrgizilgen monıtorıng jumystarynyń nátıjesi boıynsha bıznes obektilerinde emin-erkin júrgen «sary/qyzyl» statýsy bar turǵyndar anyqtaldy. «Ashyq» jobasyna qatysatyn obektilerde anyqtalǵan «qyzyl» mártebesi bar 44 turǵynǵa 2 mln teńgege jýyq aıyppul salyndy.

«2021 jyldyń 23 mamyrynan bastap barlyǵy «Ashyq» jobasyna qatysatyn obektilerde anyqtalǵan «sary/qyzyl» mártebesi bar oqshaýlanýǵa jatatyn adamdardyń sany 2342, onyń ishinde 1723 «qyzyl» mártebesi bar, 619 «sary» mártebesi bar. «Qyzyl» mártebeli 44 jeke tulǵaǵa barlyǵy 1 925 220 teńge aıyppul salynyp, ákimshilik hattama toltyryldy», - dep málim etti Ǵ.Nadýev.

Spıkerdiń aıtýynsha, koronavırýs ınfektsııasy boıynsha oblys aımaǵynda COVID-19 oń nátıjesimen tirkelgen turǵyndar sany ótken aptamen salystyrǵanda 1,6 ese tómendegen.


Joǵary qaraı