Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaýda «jasyl» mártebesi bar 100 qonaqqa shaqtap toı ótkizýge ruqsat etildi

2021 jyldyń 20 jeltoqsan 2021 19:48

AQTAÝ. QazAqparat – Mańǵystaý oblysynda Ashyq-ta «jasyl» mártebege ıe 100 adamǵa deıin shara ótkizýge ruqsat etildi. Bul týraly Mańǵystaý oblystyq sanıtarlyq-epıdemıologııalyq baqylaý departamentiniń basshysy Ǵazız Nadýev málimdedi, dep habarlaıdy QazAqparat tilshisi.

Eske salaıyq, QR densaýlyq saqtaý mınıstri jańa jyldyq korporatıvterdi merekeleýge qoıylatyn talaptar ár óńirdegi epıdemıologııalyq jaǵdaıǵa baılanysty bolatynyn habarlaǵan edi.

Erejeni ár oblystyyń bas memlekettik sanıtarlyq dárigeri jasaıdy. Ruqsat etilgen jaǵdaıda sharanyń neshe adamǵa eseptelgeni esepke alynýy tıis.

Mańǵystaý oblystyq bas sanıtarlyq dáriger brıfıng barysynda óńirdiń «jasyl» aımaqta ekenin, soǵan baılanysty jeńildikter qarastyrylǵanyn málimdedi.

«Qazirgi ýaqytta korporatıv ótkizý boıynsha naqty sheshim qabyldanbady. Jalpy, sońǵy qaýlyǵa sáıkes, óńirde túrli sharalar ótkizýge ruqsat etildi. Qazirgi ýaqytta, qaýly boıynsha, Ashyq júıesi arqyly «jasyl» mártebesi bar 100 adamǵa deıin sharaǵa qatysýǵa ruqsat bar. Barlyǵy epıdemıologııalyq jaǵdaıǵa baılanysty ózgerýi múmkin», - dedi Mańǵystaý oblystyq sanıtarlyq-epıdemıologııalyq baqylaý departamentiniń basshysy Ǵazız Nadýev.

Aıta keteıik, ótken táýlikte oblysta koronavırýs ınfektsııasynyń úsh jaǵdaıy tirkeldi: bireýi Aqtaýda jáne ekeýi Túpqaraǵan aýdanynda.

Oblys boıynsha 2021 jylǵy 3 aqpan men 20 jeltoqsan aralyǵynda KVI-ge qarsy vaktsınanyń birinshi komponentin 187 849 adam (48,8%), ekinshi komponentin-167 649 adam (43,2%) aldy.


Joǵary qaraı