Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda vaktsına pasportyn 30-50 myń teńgege satqan dárigerler anyqtaldy

2021 jyldyń 13 qyrkúıek 2021 16:39

AQTAÝ. QazAqparat - Mańǵystaý oblysynda vaktsına pasportyn satqan dárigerler anyqtaldy, dep habarlaıdy QazAqparat tilshisi.

Mańǵystaý oblystyq polıtsııa departamenti bastyǵynyń orynbasary Altynbek Qalıevtiń aıtýynsha, jalǵan vaktsına pasportyn daıyndady degen kúdikpen dárigerler men olardyń deldaldary bolǵan segiz adam anyqtaldy.

«Derekter bazasynda resmı tirkelgen árbir medıtsınalyq qujat úshin olar 30-50 myń teńge kóleminde aqsha alǵandyǵy anyqtaldy. Anyqtalǵan adamdar 150-den astam azamatqa pasport berýi múmkindigi tekserilip, anyqtaldy. Bul tsıfr áli de ósýi múmkin ekendigin joqqa shyǵarmaımyz. Atalǵan fakt boıynsha QR Qylmystyq kodeksiniń 385-babynyń 2-bóligi boıynsha sotqa deıingi tergeý bastaldy. Qazirgi ýaqytta tergeý amaldary jalǵasýda», - dedi Altynbek Qalıev.

Polıtsııa ókili qylmystyq oqıńanyǵ shilde aıynan beri tergelip jatqany týraly aıtty.

«Atalǵan fakt boıynsha shilde aıynan bastap bizde arnaıy jedel sharalar qabyldandy. Atalǵan faktiler Jańaózen, Aqtaý qalasy men Munaıly aýdanynyń jeke jáne memlekettik aýrýhanalarynda anyqtaldy», - dep tolyqtyrdy A.Qalıev.

Onyń aıtýynsha, vaktsınatsııa pasportyn satyp alǵysy keletin adamdar rásimge kelgen, biraq is júzinde ony almaǵan.


Joǵary qaraı