Aýa raıy
Astana -2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda tumaýǵa qarsy vaktsına satyp alý úshin 60 mln teńgege kelisim jasaldy

2020 jyldyń 15 qyrkúıek 2020 14:13

AQTAÝ. QazAqparat - Mańǵystaýda tumaýǵa qarsy ekpe egý bastaldy. Bul týraly qoǵamdyq kommýnıkatsııa ortalyǵynda ótken brıfıngide Oblystyq densaýlyq saqtaý basqarmasy basshysynyń orynbasary Lázzat Esenǵalıeva málim etti. Onyń aıtýynsha, 60 mln teńgege tumaýǵa qarsy vaktsına alýǵa kelisim shart jasaldy.

«Búginde oblysta 70myń doza vaktsına bar. ıAǵnı 70 myń adam tumaýǵa qarsy egiledi dep josparlanyp otyr. Tumaýǵa qarsy ekpege medıtsına qyzmetkerleri, júktiliktiń ekinshi nemese úshinshi kezeńindegi áıelder, dıspanserlik esepte turǵan balalar, sábıler úıiniń balalary, júrek, qan tamyr júıesiniń jáne tynys alý músheleriniń sozylmaly aýrýlary bar adamdar jatady. Barlyq emhanalarda 70-ke jýyq egý bólmeleri daıyndaldy. Barlyq medıtsınalyq qyzmetkerler semınarlarǵa qatysyp, biliktilikterin shyńdady. Aldyńǵy egý kezinde qıyn reaktsııa kórsetken azamattar men taýyq jumyrtqasynyń aqýyzyna allergııasy bar adamdar bul vaktsınany almaıdy. Grıppol degen Reseı elinen kelgen vaktsına. Qazaqstanda 4-5 jyldan beri qoldanylyp keledi. Teris nátıje baıqalǵan joq», - dedi Lázzat Esenǵalıeva.


Basty sózder: Mańǵystaý oblysy, Medıtsına,
Joǵary qaraı